निफ्टीही 36 अंकांनी वधारला : भारती एअरटेल तेजीसह बंद
मुंबई
भारतीय भांडवली बाजारात तिसऱ्या सत्रात बुधवारी बीएसई सेन्सेक्स व एनएसई निफ्टी यांचे निर्देशांक मजबूत होत बंद झाले आहेत. यामध्ये सेन्सेक्स 100 तर निफ्टी 36 अंकांनी वधारुन बंद झाला आहे.
यावेळी डिव्हीस लॅब, भारती एअरटेल, एचडीएफसी बँक आणि ब्रिटानिया यांचे समभाग हे 1 टक्क्यांच्या मजबूतीसह बंद झाले आहेत. टाटा स्टील, हिंडाल्को आणि अॅक्सिस बँक यांचे समभाग हे घसरुन बंद झाले आहेत.
प्रमुख कंपन्यांच्या मदतीने दिवसअखेर बीएसई सेन्सेक्स 100.26 अंकांनी मजबूत होत निर्देशांक 65,880.52 वर बंद झाला आहे. दुसऱ्या बाजूला राष्ट्रीय शेअर बाजाराचा निफ्टी दिवसअखेर 36.15 अंकांच्या मजबुतीसह निर्देशांक 19,611.05 वर बंद झाला. निफ्टीत टाटा कंझ्युमरचे समभाग हे सर्वाधिक 4.11 टक्क्यांनी वधारले आहेत.
निवडक क्षेत्रांची चमक
विविध क्षेत्रांची स्थिती पाहिल्यास यामध्ये एफएमसीजीचह निर्देशांक एक टक्क्यांनी वधारला आहे. यासोबतच औषध, ऑईल व गॅस आणि ऊर्जा यांचे निर्देशांक प्रत्येकी 0.5 टक्क्यांनी वधारले आहेत. तसेच धातू, रियल इस्टेट आणि बँक यांचे निर्देशांक 0.4 ते 1 टक्क्यांनी प्रभावीत राहिले आहेत. याच दरम्यान बीएसई मिडकॅप व स्मॉलकॅपचे निर्देशांक सकारात्मक राहिले आहेत.
दिग्गज कंपन्यांमध्ये भारती एअरटेलचे समभाग हे सर्वाधिक 1.57 टक्क्यांनी वधारले आहेत. यासह टायटन, एचडीएफसी बँक, अल्ट्राटेक सिमेंट आणि आयटीसी यांचे समभाग हे एक टक्क्यांनी वधारले होते. सनफार्मा, बजाज फायनान्स, बजाज फिनसर्व्ह, हिंदुस्थान युनिलिव्हर, कोटक महिंद्रा बँक, नेस्ले इंडिया आणि रिलायन्स इंडस्ट्रीज यांचे समभाग वधारले. अन्य कंपन्यांमध्ये टाटा स्टील, अॅक्सिस बँक, एनटीपीसी, आयसीआयसीआय बँक, टेक महिंद्रा, विप्रो, जेएसडब्ल्यू स्टील, स्टेट बँक ऑफ इंडिया, इन्फोसिस आणि टाटा मोर्ट्स यांचे समभाग घसरणीत राहिले आहेत.
रुपया घसरला
अमेरिकन डॉलरच्या डॉलरच्या तुलनेत रुपया 10 पैशांनी प्रभावीत होत 83.13 वर बंद झाला आहे.
