सुवर्णपदक विजेत्या ज्येष्ठ खो खो पटूंचा सत्कार

बेळगाव : विश्वभारती कला क्रीडा संघ बेळगाव उपशाखा खानापूर यांच्यावतीने नुकतीच शिवस्मारक खानापूर येथील माजी आमदार व्ही. वाय. चव्हाण सभागृहामध्ये  1994 व 95 दरम्यानच्या गर्लगुंजी, निडगल, सन्नहोसुर येथील खो खो पटूंचा व प्र्रशिक्षकांचा सत्कार करण्यात  आला. ज्येष्ठ कोच एल. जी. कोलेकर यांच्या मार्गदर्शनाखाली तयार झालेल्या राष्ट्रीय पातळीवरील खो-खोच्या माध्यमातून खानापूर तालुका बेळगाव जिह्यात नावारूपाला आलेल्या महिला खो खोपटू, भारती पाटील, चांगुणा फाटके, रंजना कदम, रेणुका कदम, माया कदम, वर्षा कदम, मंगल गुंजीकर यांचा माजी सैनिक अनिल देसाई यांच्यामार्फत शाल, श्रीफळ व स्मृतिचिन्ह देऊन सत्कार करण्यात आला.