राज्यस्तरीय खो-खो स्पर्धेसाठी निवड चाचणीला प्रारंभ

बेळगाव : कॅम्प मधील मराठी विद्यानिकेतन हायस्कूलच्या मैदानावर बेळगाव जिल्हा खो-खो अॅमॅच्युर संघटनेच्या वतीने रविवारी सकाळी बेळगाव जिल्हा 14 वर्षाखाली मुला मुलींच्या खो-खो निवड चाचणी मोठया उत्साहात प्रारंभ झाला. उद्घाटन समारंभाला प्रमुख पाहुणे म्हणून जगजंपी- बजाज कंपनीचे संचालक मल्लिकार्जुन जगजंपी, खजिनदार नितीन नाईक, महेश सिध्दानी, श्रीधर बेन्नाळकर, अशोक बुद्धी उपस्थिती होते. प्रारंभी प्रमुख पाहुणे मल्लिकार्जुन जगजंपी यांच्या हस्ते खो-खो पोलचे पूजन करून व श्रीफळ वाढवून निवड चाचणीचे  अद्घाटन केले. यावेळी प्रमुख पाहुणे मल्लिकार्जुन जनजंपी म्हणाले की, खो-खो, कब•ाr, कुस्ती हे खेळ भारतीय असून, आपण या खेळाचा अनुभव आत्मसात करावा. खो-खो सारख्या खेळातून आपण आपल्या उत्कृष्ट खेळासह बेळगावसह कर्नाटक राज्याचे नाव उज्वल करावे. या निवड चाचणी स्पर्धेतून बेळगाव जिल्हाचा उत्कृष्ट संघ निवडला जाणार आहे. या संघातून खेळताना राज्यस्तरीय खो-खो स्पर्धेत आपण चमकदार कामगिरी करावी. याच बरोबर कर्नाटक राज्य खो-खो संघात स्थान मिळवण्यासाठी खडतर मेहनत घ्या असे सांगून शुभेच्छा दिल्या पुढिल काळात खो खो, कब•ाr स्पर्धा आयोजित कराव्यात त्याला आपले सहकार्य आहे.  या जिल्हास्तरीय खो-खो निवड चाचणी स्पर्धेला बेळगाव सह रामदुर्ग, खानापूर, बैलहोंगल आणि बेळगाव जिह्यातील ग्रामीण भागातून उदयोन्मुख खो-खोपटू उपस्थित होते.