धारबांदोडा पंचायत क्षेत्रातील दोघां युवकांची नौदलात निवड

धारबांदोडा : भारतीय नौदल सैन्यामध्ये धारबांदोडा पंचायत क्षेत्रातील यश सोलयेकर (शिवडे) व प्रविण हिप्परकर (भुमिकानगर) या युवकांची निवड झाली आहे. या दोन्ही युवकाचा सन्मान धारबांदोडा पंचायतीतर्फे करण्यात आला असून त्यांना पुढील वाटचालीस शुभेच्छा देण्यात आली आहे. हे दोन्ही युवक शनिवारी विशाखापट्ठणम येथे रवाना झाले आहे. धारबांदोडा पंचायतीचे सरपंच विनायक गावस यांनी दोन्ही युवकांचा सन्मान केल्यानंतर ते म्हणाले की धारबांदोडा पंचायत क्षेत्रातून दोन युवकांची भारतीय नौदलात निवड झाली आहे. याचा पंचायतीला सार्थ अभिमान आहे. हे दोन्ही युवक गरिब कुटूंबातील असून अंत्यत बिकट परिस्थितीतून त्यांनी हे यश संपादन केले आहे. शिक्षण घेत असताना या युवकांना पंचायतीने आर्थिक मदत करण्याचा खारीचा वाटा उचलला होता. त्यामुळे पंचायतील या युवकांचा अभिमान आहे. गरिब परिस्थितीत यशाला कशाप्रकारे गवसणी घालता येत हे युवकांनी दाखवून दिले आहे. धारबांदोडा पंचायत क्षेत्रातील युवकांनी अशाप्रकारे पुढे यावे, पंचायतीकडून जी मदत अपेक्षित आहे ती नेहमीच केले जाईल. शिक्षण क्षेत्रामध्ये उल्लेखनीय काम करणाऱ्या युवकांच्या पाठिशी पंचायत सदैव राहणार असल्याचे ते पुढे बोलताना म्हणाले. यावेळी त्याच्यासोबत पंचसदस्य महेश नाईक, रविंद्र गावकर, पंचायत सचिव लक्षण खुटकर उपस्थित होते.