गीता, समृध्दी, सुनिधी यांची जलतरण स्पर्धेसाठी निवड

बेंगळूर : बेंगलोर येथे झालेल्या सीआयएस सीई राज्dयस्तरीय जलतरण स्पर्धा बेळगावच्या सीमर अक्वेरस क्लबचे जलतरण पटू गीता जैन, सुनिधी हलकारे, समृध्दी हलकारे यानी चार सुवर्ण, चार रौप्य, एक कास्य पदक पटकावित घवघवीत यश संपादन केले आहे. या तिन्ही खेळाडूंची सीआयएसी राष्ट्रीय स्पर्धेसाठी कर्नाटक राज्य संघात निवड झाली आहे.बेंगलोर येथील सुदर्शन विद्या मंदिर आयसीएसी स्कूल आयोजित सीआयएससीई राष्ट्रीय राज्यस्तरीय जलतरण स्पर्धेत बेळगावच्या खेळाडूनी सहभाग घेतला होता. त्यामध्ये 14 वर्षाखालील विभागात गीता जैन हीने 50 मीटर ब्रेस्टटोक, 100 मीटर ब्रेस्टटोक व 200 मीटर ब्रेस्टटोक या विभागात तीन सुवर्ण पदकासह या विभागातील वैयक्तीत विजेतेपद पटकाविले. समृध्दी हलकारे हिने 100 मीटर ब्रेस्टटोकमध्ये सुवर्ण पदक, 50 मीटर ब्रेस्टटोक व 200 मीटर ब्रेस्टटोक प्रकारात दोन रौप्य पदक पटकाविले. समृध्दी हलकारेने 400 मीटर फ्रीस्टाईलमध्ये,  200 मीटर ब्रेस्टटोकमध्ये दोन रौप्यपदक तर 100 मीटर ब्रेस्टटोक कास्यपदक पटकाविले. हे तीन्ही जलतरणपटू ज्ञान प्रबोधन मंदिर स्कूलच्या विद्यार्थीनी असून जेएनएमसी जलतरण तलावात सराव करीत आहेत. त्यांना प्रशिक्षक उमेश कलघटगी, अक्षय शेरेगार, अजिंक्य मेंडके, नितीश कुडूचकर, गोवर्धन काकतीकर, इम्रान उचगावकर यांचे बहुमुल्य मार्गदर्शन लाभत आहे.