बेळगाव : सार्वजनिक शिक्षण खाते बेळगाव तालुकास्तरीय कुस्ती स्पर्धेत बालिका आदर्श विद्यालयाच्या एकूण 8 विद्यार्थीनी सहभागी झाल्या होत्या. त्यापैकी 6 विद्यार्थीनींची राज्यस्तरीय स्पर्धेसाठी निवड झाली. जिल्हा क्रीडा वसतीगृह बेळगाव येथे झालेल्या. सदर प्राथमिक गटातील मुलींच्या 33 किलो वजनी गटात सिया चव्हाणने प्रथम, समिधा भोमेश बिर्जे 30 किलो वजनी गटात प्रथम, 36 किलो वजनी गटात मनस्वी जायान्नाचे, 43 किलो वजनी गटात अदिती कोरे प्रथम, 62 किलो वजनी गटात श्रावणी तरळे प्रथम, पूर्वी लोकळुचेने द्वितिय क्रमांक पटकाविला. माध्यमिक गटात 57 किलो वजनी गटात दिया मोहिते प्रथम, 49 किलो वजनी गटात प्रभा शिवनगेकर द्वितीय क्रमांक पटकाविला. या सर्वांची राज्यस्तरीय स्पर्धेसाठी निवड झाली आहे. ही स्पर्धा 30 सप्टेंबर ते 1, 2 ऑक्टोबर या दरम्यान रामनगर बेंगलोर येथे होणार असून या स्पर्धेसाठी वरील खेळाडू रवाना होणार आहेत. पंच म्हणून एकलव्य पुरस्कार विजेत्या स्मिता पाटील, मनोज बिर्जे, चंद्रकांत बोमन्नाचे यांनी काम पाहिले. या खेळांडूना शाळेचे चेअरमन जी. एन. फडके, सहसचिव आनंद गाडगीळ, मुख्याध्यापक एन. ओ. डोणकरी व मंजुनाथ गोल्लीहळी यांचे प्रोत्साहन तर राष्ट्रीय कुस्ती प्रशिक्षक माऊती घाडी व उमेश बेळगुंदकर यांचे मार्गदर्शन लाभत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
