कोकण कला-शिक्षण संस्थेतर्फे आरी वर्क प्रशिक्षण वर्ग सुरू

बेळगाव : कोकण कला व शिक्षण विकास संस्थेच्या माध्यमातून अनगोळ येथील महिलांसाठी संस्थेच्यावतीने आरी वर्क प्रशिक्षण वर्गाची सुरुवात करण्यात आली. याप्रसंगी एंजल फाऊंडेशनच्या संस्थापक मीना बेनके, विश्वकर्मा सेवा संघाचे जिल्हाध्यक्ष रमेश देसूरकर, सामाजिक कार्यकर्त्या सारिका बोभाटे, कोकण संस्थेचे कार्यकर्ते अमोल गुरम, प्रकल्प समन्वयक श्रीदेवी दंडकर उपस्थित होते. मीना बेनके यांनी उपस्थित महिलांना मार्गदर्शन करताना अशा प्रकारच्या कौशल्य प्रशिक्षण वर्गामुळे महिला गृहोद्योग किंवा लघुउद्योग सुरू करून सक्षम होतील, असे सांगितले. यापुढेही त्यांना मार्गदर्शन करण्यास आपण तयार असल्याचेही त्यांनी सांगितले. रमेश देसूरकर यांनी व्यवसाय करू इच्छिणाऱ्या महिला मंडळांना कर्ज उपलब्ध करून देण्याबरोबरच व्यवसाय मार्गदर्शन देऊ, असे स्पष्ट केले.