सावित्रीबाई फुले यांची जयंती केळकर बाग मधील प्राथमिक कन्नड शाळेमध्ये साजरी करण्यात आली.
यावेळी सावित्रीबाई फुले यांच्या जीवन कार्याबद्दल एंजल फाऊंडेशनच्या संस्थापिका अध्यक्ष मीनाताई बेनके यांनी माहिती दिली. यावेळी एंजल फाउंडेशनच्या वतीने येथील सरकारी शाळेला दोन सिलिंग फॅन्स भेट देण्यात आले. तसेच विद्यार्थ्यांना कोणत्याही प्रकारची मदत हवी असल्यास आम्ही ती करू अशी ग्वाही यावेळी मीनाताई बेनके यांनी दिली.
प्रारंभी सावित्रीबाई फुले यांच्या फोटोचे पूजन करून कार्यक्रमाला सुरुवात करण्यात आली. यावेळी या कार्यक्रमाला शाळेच्या मुख्याध्यापिका उगार , प्रज्ञा शिंदे, आकाश हलगेकर, मिलन पवार यांच्यासह शाळेतील विद्यार्थी उपस्थित होते.
