मायकल डग्लस यांना ‘सत्यजीत रे जीवनगौरव’

पणजी : अमेरिकन अभिनेता, निर्माता मायकल डग्लस यांना सत्यजीत रे जीवनगौरव पुरस्कार जाहीर करण्यात आला असून हा बहुमान त्यांना गोव्यात येत्या नोव्हेंबर महिन्यात होणाऱ्या आंतरराष्ट्रीय चित्रपट महोत्सवात (इफ्फी) देण्यात येणार आहे. डग्लस त्याना चित्रपट क्षेत्रातील विविध प्रकारचे पुरस्कार यापुर्वी मिळाले आहेत. त्यांचे सिनेमा अमेरिकेत तसेच जगभरात लोकप्रिय झाले असून त्यांचे विविध भाषांत रूपांतरही करण्यात आले आहे. गोव्यात 20 ते 28 नोव्हेंबर या कालावधीत होणाऱ्या आंतरराष्ट्रीय चित्रपट महोत्सवात त्यांना हा पुरस्कार बहाल करण्यात येणार असल्याची माहिती केंद्रीय प्रसारणमंत्री अनुराग ठाकूर यांनी दिली आहे. चित्रपटांसोबत त्यांनी टीव्ही व इतर माध्यमातील विविध मालिकांतून आपला ठसा उमटवला आहे. त्यांना दोन ऑस्कर, पाच गोल्डन ग्लोब, प्राईम टाईम एमी, सेसिल बी. डिमिल, एएफआय यासह अन्य अनेक पुरस्कार लाभले आहेत. त्यांनी आपल्या वडिलांच्या कादंबरीवर आधारीत चित्रपट तयार केला आणि मोठा नावलौकिक मिळवला आहे. डग्लस व त्यांचे इतर सह-कलाकार महोत्सवाच्या निमित्ताने गोव्यात येणार असून ठाकूर यांच्याहस्ते त्यांना हा पुरस्कार दिला जाणार असल्याचे सांगण्यात आले.