सातार्डा / प्रतिनिधी
Satose – Shree Vansdev Temple Restoration Kalsharohan Ceremony at Rekhwadi 1st to 4th May
सातोसे – रेखवाडी येथील श्री वंसदेव मंदिर जिर्णोद्धार कलशारोहण व श्री वंसदेव मूर्ती पुनःप्रतिष्ठापना महासोहळा दि 1 ते 4 मे रोजी या कालावधीमध्ये साजरा केला जाणार आहे. यानिमित्त विविध धार्मिक व सांस्कृतिक कार्यक्रमांचे आयोजन श्री वंसदेव मंदिरामध्ये करण्यात आले आहे. सोमवार दि 1 मे रोजी सकाळी 8 वाजता धार्मिक विधी व दुपारी महाप्रसाद होणार आहे. रात्री 9 वाजता डिचोली – गोवा येथील प्रसिद्ध कीर्तनकार ह. भ. प. रामचंद्र उर्फ किरण गोविंद तूळपुळे यांचे सुश्राव्य कीर्तन होणार आहे.
मंगळवार दि 2 मे रोजी सकाळी 8 वाजता धार्मिक विधी व दुपारी महाप्रसाद होणार आहे.रात्री 9 वाजता हरकुळ - बुद्रुक येथील लोकप्रिय बुवा श्री अभिषेक शिरसाट व ऐरोली - नवी मुंबई येथील लोकप्रिय बुवा श्री समीर गावडे यांचा डबलबारी भजनाचा जंगी सामना होणार आहे.बुधवार दि 3 मे रोजी सकाळी 8 वाजता धार्मिक विधी होणार आहेत. त्यानंतर 10 वाजता शिखर कलश स्थापना व मूर्ती पुनःप्रतिष्ठापना होणार आहे.दुपारी 1 वाजता महाप्रसाद देण्यात येणार आहे.त्यानंतर रात्री 9 वाजता मोरजी सार्वजनिक गणेशोत्सव कला व क्रीडा मंडळ निर्मित जगदीश दळवी लिखित व साबा च्यारी दिग्दर्शीत ' लावणी भुलाली अभंगाला ' हा तीन अंकी संगीत नाट्यप्रयोग सादर केला जाणार आहे.गुरुवार दि 4 मे रोजी सकाळी 10 वाजता श्री सत्यनारायण महापूजा होणार आहे. भाविकांनी लाभ घेण्याचे आवाहन श्री वंसदेव ब्राम्हण देवस्थान समिती व समस्त पंडित परिवार यांच्याकडून करण्यात आले आहे.
