बोलेरो गाडी पलटी होऊन सात जण जखमी, सातारा पंढरपूर रस्त्यावरील घटना

सातारा,प्रतिनिधी

Satara Accident News : लोधवडे फाटा (तालुका माण) येथील सातारा पंढरपूर रस्त्यावर पंढरपूरला देवदर्शनासाठी निघालेल्या बोलेरो गाडी आज सकाळी आठ वाजता पलटी होऊन झालेल्या अपघातात सात जण जखमी झाले आहेत. सर्व जखमी कोरेगाव तालुक्यातील गुजरवाडी येथील आहेत.

सकाळच्या वेळी भरधाव वेगाने चाललेली बोलेरो गाडी अचानक लोधवडे फाटा येथे आली असताना चालकाचा ताबा सुटल्याने गाडी तीन वेळा पलटी झाली. या अपघातात सात जण गंभीर जखमी झाले असून अपघातातील जखमींना सातारा येते उपचारासाठी हलवलेले आहे.

अपघातातील जखमींची नावे पुढील प्रमाणे
कल्याण भोसले चालक (वय- 45) वर्षे,आण्णा गाढवे (वय-42) पप्पू भिसे (वय-40), दादासो थोरात वय-42),सागर भोसले ,विजय माने (वय-45),श्रीमंत पवार (वय-50),रुद्र भोसले. या अपघाताची नोंद करण्याची प्रक्रिया सुरू असल्याची माहिती दहिवडीचे स. पो. नी. अक्षय सोनवणे यांनी दिली