संतिबस्तवाड कृषी पत्तीन संघ अध्यक्ष-उपाध्यक्ष निवड बिनविरोध

किणये : संतिबस्तवाड येथील प्राथमिक कृषी पत्तीन संघाच्या झालेल्या निवडणुकीत अॅड. प्रसाद साडेकर व निंगाप्पा बुडरी यांच्या पॅनेलने बाजी मारली. तसेच अध्यक्ष व उपाध्यक्षपदाची निवडणूक बिनविरोध करण्यात आली आहे. यासाठीही सडेकर व बुडरी यांनी पुढाकार घेतला. तसेच संतिबस्तवाड, वाघवडे, रणकुंडये येथील शेतकऱ्यांनी महादेव रामा बिरजे यांना पाठिंबा देऊन बहुमताने विजय प्राप्त करून दिला. नुकतीच कृषी पत्तीन संघाच्या अध्यक्षपदी बाळाप्पा भीमा गुडली व उपाध्यक्षपदी रामा व्यंको पाटील यांची बिनविरोध निवड करण्यात आली. या निवडीनंतर नवनिर्वाचित अध्यक्ष व उपाध्यक्ष यांचा पुष्पहार अर्पण करून सत्कार करण्यात आला. यावेळी संचालक मल्लाप्पा चन्नीकुप्पी, महादेव बिरजे, सुभाष पाटील, द्यामवा चन्नीकुप्पी, सविता गुंडोजी, परशराम लोहार, पिराजी गुरव, ज्योतिबा मराठी हे उपस्थित होते. अध्यक्ष-उपाध्यक्ष निवड प्रक्रियेनंतर गुलालाची उधळण करून समर्थक व शेतकऱ्यांनी जल्लोष साजरा केला.