संत मीरा मुलींचा संघ राष्ट्रीय फुटबॉलसाठी रवाना

बेळगाव : अखिल भारतीय शालेय क्रीडा संघटनेच्या मान्यतेने कोल्हापूरमध्ये राष्ट्रीय फुटबॉल स्पर्धेसाठी संत मीरा शाळेचा 14 वर्षाखालील मुलींचा संघ रवाना झाला. कुरुक्षेत्र हरियाणा येथे नुकत्याच झालेल्या विद्याभारती अखिल भारतीय मुलींच्या फुटबॉल स्पर्धेत संत मीराने दक्षिण मध्य क्षेत्राचे प्रतिनिधित्व करत पंजाबचा अंतिम लढतीत पराभव करत विजेतेपद पटकाविले होते. संत मीराचा संघ विद्याभारतीचे प्रतिनिधित्व करत 68 व्या राष्ट्रीय शालेय मुलींच्या फुटबॉल स्पर्धेत भाग घेणार आहे. या संघात निधीशा दळवी, श्रेया लाटूकर, समीक्षा खन्नूरकर, कल्याणी हलगेकर, हर्षदा जाधव, समृद्धी खोकाटे, हर्षिता गवळी, अद्विता दळवी, समृद्धी घोरपडे, अनन्या रायबागकर, कृतिका हिरेमठ, भावना बेर्डे, हिंदवी शिंदे, सृष्टी सातेरी, कनिष्क हिरेमठ, आदिती सुरतेकर, सिंचना तिगडी, या खेळाडूंचा  संघात समावेश राहणार आहे. तर या संघासमवेत शिक्षिका अनुराधा पुरी, अरुणा पुरोहित हे रवाना होत आहेत. यासंघाला विद्याभारती राज्याध्यक्ष परमेश्वर हेगडे, शाळेचे प्रशासक राघवेंद्र कुलकर्णी, मुख्याध्यापिका सुजाता दप्तरदार, उप.मुख्याध्यापिका ऋतुजा जाधव, क्रीडाशिक्षक सी. आर. पाटील, विद्याविकास संयोजक रेणुका, विद्याभारती प्रांत उमेश कुमारजी व पालक वर्गाचे प्रोत्साहन लाभत आहे.