संत मीरा, चिटणीस,बालिका आदर्श अंतिम फेरीत

बेळगाव : अनगोळ येथील संत मीरा इंग्रजी माध्यम शाळेच्या मैदानावर गोमटेश विद्यापीठ मजगांव आयोजित सार्वजनिक शिक्षण खात्याच्या टिळकवाडी माध्यमिक विभागीय मुला मुलींच्या हँडबॉल स्पर्धेत संत मीरा ,जी. जी. चिटणीस, बालिका आदर्श स्कूलने प्रतिस्पर्ध्यांचा पराभव करीत अंतिम फेरीत प्रवेश केला. मुलांच्या गटात पहिल्या उपांत्य सामन्यात जी. जी. चिटणीसने गोमटेशचा 6-2 असा पराभव केला तर दुसऱ्या उपांत्य सामन्यात संत मीराने प्रेशयस ब्लाजम स्कूलचा 6-0 असा पराभव करीत अंतिम फेरीत गाठली. मुलींच्या गटात पहिल्या उपांत्य सामन्यात संत मीराने चिटणीसचा 4-2 असा पराभव केला तर दुसऱ्या उपांत्य सामन्यात बालिका आदर्शने ओरिएंटल स्कूलचा 7-0 असा पराभव  करुन अंतिम फेरी गाठली. उद्घाटनाला प्रमुख पाहुणे मुख्याध्यापिका सुजाता दप्तरदार, प्रशासक राघवेंद्र कुलकर्णी, स्पर्धा आयोजक सचिव अशोक मुन्नोळी, जयसिंग धनाजी, देवेंद्र कुडची, टिळकवाडी शारीरिक शिक्षक संघटनेचे सचिव प्रवीण पाटील, रामलिंग परीट, अर्जुन भेकणेसह मान्यवरांच्या हस्ते खेळाडूंची ओळख करून झाले. या प्रसंगी पंच उमेश मजुकर, यश पाटील, शिवकुमार सुतार, यश सुतार, हणमंत अडोनी, समीक्षा बुद्रुक, सी. आर. पाटील आदी उपस्थित होते.