सावंतवाडी । प्रतिनिधी
शिक्षकांच्या प्रयत्नांमुळे चराठा शाळेचा पहिला नंबर आला. त्यामुळे मी सर्व शिक्षकांचे मनापासून अभिनंदन करतो असे गौरोद्गार शिवसेना जिल्हाप्रमुख संजू परब यांनी आज येथे काढले. चराठा येथील जिल्हा परिषद पूर्ण प्राथमिक शाळा नंबर १ चा पीएमसी मधून बेस्ट शाळा म्हणून जिल्ह्यात पहिला क्रमांक आल्याबद्दल आज संजू परब यांनी शिक्षकांचा पुष्पगुच्छ देऊन तसेच मुलांना खाऊ वाटप करून अभिनंदन केले. यावेळी परब पुढे बोलताना म्हणाले शाळेला जी काही मदत लागेल ती आपण निश्चितच करू. शाळेच्या बाहेरील संरक्षण भिंत देखील धोक्यात आहे ती देखील कुठल्या माध्यमातून निधी देता येईल का त्यासाठी आपण प्रयत्न करून झाल्यास आपण स्वखर्चाने ती भिंत बांधून देऊ असे आश्वासन देखील उपस्थित शिक्षकांना दिले.यावेळी शालेय शिक्षण समितीचे अध्यक्ष उमेश परब ,सरपंच प्रचिती कुबल मुख्याध्यापिका पेडणेकर , कुंभार , बाळू वाळके, राजू कुबल,क्लॅटस फर्नांडीस,आदी उपस्थित होते.चराठा येथील जिल्हा परिषद पूर्ण प्राथमिक शाळा नंबर १ चा पीएमसी मधून बेस्ट शाळा म्हणून पहिला क्रमांक जिल्ह्यात आल्याबद्दल संजू परब यांनी शिक्षकांचा सत्कार केला.
