संजना दोड्डण्णावर उत्कृष्ट महिला अग्निवीर

बेळगाव : मठ गल्ली येथील संजना समीर दोड्डण्णावर हिने नौदलातील उत्कृष्ट महिला अग्निवीर पदक पटकावले आहे. ओडिशा येथे झालेल्या शानदार कार्यक्रमात नौदल प्रमुख दिनेशकुमार त्रिपाठी यांच्या हस्ते महिला अग्निवीरसाठी जनरल बिपिन रावत रोलिंग ट्रॉफी ठेवण्यात आली आहे. जिद्दीच्या बळावर 6 महिन्यांपूर्वीच अग्निवीर म्हणून नौदलात सामील झालेल्या संजनाने ती पटकावली. लहानपणापासूनच अभ्यासात पुढे असलेल्या संजना परीक्षांना सामोरे जात नौदलात सामील झाली. 16 आठवड्यांच्या खडतर प्रशिक्षणानंतर तिला बेस्ट अग्निवीर, बेस्ट एनर्जिटिक अग्निवीर, मोस्ट स्पिरिटेड टेन्ड ऑफ दि इयर पुरस्कार आणि गोल्ड मेडल देण्यात आले. देशभरातून 1700 विद्यार्थ्यांचा सहभाग होता. अग्निवीरांच्या चौथ्या तुकडीची पासिंग आऊट परेड 9 ऑगस्ट रोजी आयएनएस चिल्का येथे आयोजित केली होती. यावेळी पीओपीचे नौदलप्रमुख  अॅडमिरल दिनेशकुमार त्रिपाठी, व्हाईस अॅडमिरल श्रीनिवास, फ्लॅग ऑफिसर कमांडिंग-इन-चीफ, सदर्न नेव्हल कमांड परेडचे संचालन अधिकारी व व्हाईस अॅडमिरल राजेश पेंढारकर हेही यावेळी उपस्थित होते.