स्वातंत्र्य दिनाच्या पथसंचलनात सफाई कामगार सहभागी होणार

बेळगाव : 15 ऑगस्ट स्वातंत्र्यदिनी जिल्हा क्रीडांगणावर होणाऱ्या पथसंचलनामध्ये महापालिकेचे सफाई कामगार आयुक्तांच्या नेतृत्वात प्रथमच पथसंचलनामध्ये भाग घेणार आहेत. 33 सफाई कामगारांच्या तुकडीने शुक्रवारी जिल्हा क्रीडांगणावर सराव केला. त्याचबरोबर स्वातंत्र्यदिनी महापालिका कार्यालयासमोर होणाऱ्या ध्वजारोहणापूर्वी सफाई कामगारांची तुकडी पथसंचलन करणार असून या तुकडीकडून महापौर मानवंदना स्वीकारणार आहेत.