कुर्डुवाडी / प्रतिनिधी
येथील रेल्वे स्थानकाजवळील रेल्वेचे विद्युतीकरणाचे काम घेतलेल्या कंपनीचे गोडावुन आहे. या गोडावून जवळील स्क्रॅपला आग लागून साहित्य जळाले. सुदैवाने वेळेत आग विझवण्यात यश आल्याने मोठी हानी टळली.
रेल्वेच्या विद्युतीकरणाचे काम घेतलेल्या कंपनीच्या गोडावुनच्या स्क्रॅप साहित्याला दुपारी तीनच्या सुमारास अचानक आग लागली. तेंव्हा मेहबूब बाशा शेख, संभाजी चौधरी, अर्जून बराल, अजित कुमार सिंग, सत्येंद्र सिंग, योगेंद्र शुक्ला, अंकुर कुमार, शशीभूषन मिश्रा, गार्ड स्वप्नील आवारे, बाबर व परिसरातील नागरिक धावुन आले. नगरपालिकेच्या अग्निशमन दलाच्या गाडीला बोलावण्यात आले. सर्वांच्या प्रयत्नाने आग नियंत्रित करण्यास यश आले. या गोडावूनमध्ये व परिसरात किमती साहित्य होते. वेळेत आग नियंत्रणात आल्याने मोठी आर्थिक हानी टळली.
