मणेराजूरी / वार्ताहर
नियंत्रण सुटल्याने रस्त्याकडेला थांबलेल्या कंटेनरला मोटारसायकलची जोरदार धडक झाल्याने वासुंबे ( तासगाव ) येथील संजय विष्णू मोरे ( वय ६५ ) हा मोटारसायकलस्वार जागीच ठार होऊन मागे बसलेला लहान मुलगा जखमी झाला. मणेराजूरी हायस्कूलजवळ रविवारी सव्वाबाराच्या दरम्यान झाला हा अपघात झाला.
वासुंबे ता. तासगाव येथील संजय विष्णू मोरे हे आपल्या देवराष्ट्रे येथील सात वर्षाच्या सोहम जमदाडे नातवासह दोघजण वासुंबे येथून सप्लेंडर मोटारसायकल क्रमांक MH 10 AZ8648 वरून गव्हाण येथील नातेवाईकाकडे चालले होते. याचवेळी मणेराजूरी हायस्कूलजवळील स्मशानभूमी जवळ MH 44 U 1054 हा कंटेनर रस्त्याकडेला थांबला होता. मोरे यांना हा कंटेनर न दिसल्याने त्यांचा मोटारसायकलचा ताबा सुटून ते कंटेनरच्या क्लीनर साईटला जोरदार धडकले यात ते रस्त्यावर डोक्यावर पडल्याने डोके व कानातून मोठा रक्तस्त्राव झाल्याने त्यांचा जागीच मृत्यू झाला तर नातू सोहम जमदाडे हा गंभीर जखमी झाला त्याला हॉस्पीटलमध्ये भरती करणेत आले आहे .
घटनास्थळी तासगाव पोलीसांनी धाव घेवून पंचनामा केला व मृतदेह शवविच्छेदनासाठी तासगाव ग्रामीण रुग्णालयात दाखल केला. गेल्या पंधरा दिवसात या ठिकाणच्या पाचशे फूट अंतरात छोटेसे वळण आहे याच ठिकाणी चार अपघात झाले आहेत मोठी वाहने हायवेच्या रस्त्याकडेला थांबवू नयेत असे ग्रामस्थांनी आवाहन केले आहे .
