अलमट्टीचा साठा दिवसांत आठ टीएमसीने वाढला; कृष्णा महापूर नियंत्रण नागरी कृती समितीने अलमट्टीचा विसर्ग वाढवण्याची मागणी केली
सांगली प्रतिनिधी
जिह्यात पावसाची संततधार सुरू झाली असून धरणांच्या पाणलोट क्षेत्रात मात्र अतिवृष्टी कायम आहे. सलग पडणाऱ्या मुसळधार पावसामुळे अलमट्टी धरणाच्या साठयात दिवसांत आठ टीएमसीने वाढ झाली आहे. कोयना आणि वारणा धरणांच्या साठ्यातही वेगाने वाढ होत असून कृष्णा ,वारणा नद्यांची पातळीही वाढू लागली आहे. त्यामुळे संभाव्य महापुराची चर्चा आता नदीकाठच्या गावांत सुरू झाली आहे.
अधिक वाचा- नृसिंहवाडीत पहाटे तीन वाजता दक्षिणद्वार सोहळा संपन्न
रविवारी रात्री आणि सोमवारी महाबळेश्वर, नवजा, कोयना, वारणा परिसरात जोरदार पाऊस होता. सोमवारी दिवसभरात कोयना परिसरात 50, महाबळेश्वर 77 आणि नवजा परिसरात 76 मिमी पावसाची नोंद झाली आहे. याशिवाय अन्य धरणांच्या पाणलोट क्षेत्रातही मुसळधार सुरू आहे. मुसळधार सुरूच असल्याने सोमवारी सायंकाळी कोयना धरणातील पाणीसाठा 32.50 तर वारणा धरणातील साठा 18.30 टीएमसी झाला आहे. अलमट्टी धरणाच्या पाणीसाठय़ात एक दिवसात आठ टीएमसी वाढ होऊन सोमवारी सायंकाळी या धरणातील साठा 83.85 टीएमसी झाला. अलमट्टी धरणातील विसर्ग सोमवारी सायंकाळी 75 हजार करण्यात आला आहे.
अलमट्टीतून विसर्ग वाढवण्यासाठी कर्नाटकवर दबाव वाढवा : कृती समिती
सांगली आणि कोल्हापूर या दोन जिह्यातील महापुरास कारणीभूत ठरणाऱया अलमट्टी धरणाचा साठा हा पाऊसमान वेळेत 512 मीटर ठेवण्याचे असताना जास्तीचा साठा करत आहेत. सध्या आजची पाणी पातळी 515.77 व आवक 81,900 क्युसेक आहे. त्यामुळे या धरणातील पातळी एका दिवसात आठ फुटांनी वाढली आहे. वरिष्ठ पातळीवर झालेल्या चर्चेनुसार 31 ऑगस्टपर्यंत अलमट्टीतील पाण्याची पातळी 512 मीटर ठेवावी या कडे लक्ष दिले पाहिजे. अन्यथा दोन्ही जिल्हयांत महापुर अटळ असल्याची भिती कृष्णा महापूर नियंत्रण कृती समितीने व्यक्त केली आहे. यामध्ये लक्ष घालण्यासाठी मुख्यमंत्री एकनाथ शिंदे, सांगली आणि कोल्हापूर जिल्हाधिकारी ,दोन्ही जिह्यांचे अधिक्षक अभियंता,तसेच सेंट्रल वॉटर कमिशन पुणे आणि हैद्राबाद यांना निवेदन पाठवण्यात आले आहे. अलमट्टी धरणातून विसर्ग वाढवण्यासाठी कर्नाटक सरकारवर दबाव आणण्याची मागणी या निवेदनाव्दारे करण्यात आली आहे.
विजयकुमार दिवाण, प्रभाकर केंगार, सुकुमार पाटील, प्रदीप वायचळ, सुहास गुर्जर, हणमंतराव पवार, सर्जेराव पाटील, निलेश पवार, संजय कोरे,दिनकर पाटील, प्रकाश पाटील, शिरोळ, आंदोलन अंकुश, अध्यक्ष धनाजी चुड्मुंगे, दीपक पाटील, भूषण गंगावणे यांनी समितीच्या वतीने हे निवेदन दिले आहे.
वारणा धरणात 18.30 तर कोयना धरणात 32.50 टीएमसी साठा
सोमवारी सायंकाळी वारणा धरणात 17.60 टी.एम.सी. पाणीसाठा झाला आहे. तर कोयना धरणातील साठा 32.50 टीएमसी झाला आहे. विविध धरणातील पाणीसाठा व साठवण क्षमता कंसात टी.एम.सी. प्रमाणात पुढीलप्रमाणे. धोम 5.19 (13.50), कण्हेर 3.08 (10.10), वारणा 17.60 (34.40), दूधगंगा 11.01 (25.40), राधानगरी 4.40 (8.36), तुळशी 1.78 (3.47), कासारी 1.69 (2.77), पाटगांव 1.97 (3.72), धोम बलकवडी 1.66 (4.08), उरमोडी 4.83 (9.97), तारळी 2.84 (5.85), अलमट्टी 83.85 (123).
आयर्विन पुलाजवळ पाणीपातळी 13 फुटांवर
सोमवारी सायंकाळी आयर्विन पुलाजवळ कृष्णेची पाणीपातळी 13.6 फुट झाली. तर कृष्णा कराड 13.1,efYeueJe[er पूल 13.2,jepeeHetj बंधारा 29.9HegÀì झाली होती. अंकली पूल हरिपूर 17.5
शिराळा तालुक्यात 38.9 मिमी पावसाची नोंद
जिह्यात गेल्या 24 तासात सरासरी 8.8 मि. मी. पावसाची नोंद झाली असून शिराळा तालुक्यात सर्वाधिक 38.9 मि. मी. पावसाची नोंद झाली आहे.
जिह्यात गेल्या 24 तासात पडलेला पाऊस व कंसात 1 जून पासून आत्तापर्यंत पडलेल्या पावसाची तालुकानिहाय आकडेवारी मि. मी. मध्ये पुढीलप्रमाणे. मिरज 3.0 (112.8), जत 1.3 (107.7), खानापूर-विटा 8.4 (109.8), वाळवा-इस्लामपूर 12.0 (124.9), तासगाव 4.8 (96.6), शिराळा 38.9 (326.3), आटपाडी 0.9 (78.5), कवठेमहांकाळ 2.8 (101.4), पलूस 5.5 (77.0), कडेगाव 12.3 (100.8).
