सांगली : प्रतिनिधी
सांगलीतील स्टेशन चौकात सिटी कॉर्नर रेग्झिन हाऊसला सोमवारी सायंकाळी आग लागली. शेजारील गॅस शेगडी विक्री दुकानात वेल्डींग काम चालू होते त्यातून आग लागली. अग्निशमन दलाच्या प्रयत्नाने आग आटोक्यात आणली.
महापालिका अग्निशमन विभागाचे याच चौकात अग्निशमन केंद्र असल्याने तातडीने गाडी लावून आग आटोक्यात आणण्यात यश आले आहे. खबरदारी म्हणून जादा मदतीसाठी टिंबर एरिया प्रमुख अग्निशमन केंद्र येथील अधिक गाडी घटनास्थळी काही वेळात आली होती. प्रभारी मुख्य अग्निशमन अधिकारी सुनील माळी यांच्यासह धीरज पावणे, प्रसन्न पाटील ,केशव खरमाटे, खंडेराव घुगरे, अभिजित कोरे यांनी आग आटोक्यात आणली.
