माडग्याळ वार्ताहर
जत तालुक्यातील माडग्याळ येथील अशोक शनमुख माळी (वय 48) रा. माडग्याळ यांचा ट्रॅक्टर अपघातात दुर्दैवी मृत्यू झाला आहे. मोटरसायकलला चुकवण्याच्या नादात अशोक माळी याचा ट्रॅक्टरवरील ताबा सुटल्याने ट्रॅक्टर सरळ ओढ्यात पडल्यामुळे ट्रॅक्टरच्या इंजिन खाली सापडून त्यांचा मृत्यू झाला.
याबाबतचे अधिक माहिती अशी की अशोक माळी हे आज रोजी आपल्या स्वमालकीच्या ट्रॅक्टर मधून शेतामध्ये माडग्याळ गावालगत असणाऱ्या परीट वस्ती येथून डाळिंब बागेसाठी ट्रॅक्टर मधून शेणखत आणण्याचे काम करत होते माडग्याळ सनमडी रोडवरती माडग्याळ गावापासून अवघ्या अर्धा किलोमीटर वरती ओढा पात्र आहे. या ठिकाणी मोठे वळण आहे याच ठिकाणी समोरील मोटरसायकलला चुकवण्याच्या नादात याचा ट्रॅक्टरवरील ताबा सुटल्यामुळे ट्रॅक्टर सरळ पुलाच्या कठड्यावरून खाली ओढ्यात पडल्यामुळे ट्रॅक्टरच्या इंजिन खाली सापडून जागीच दुर्दैवी मृत्यू झाला आहे. सदरची घटना ही आज सकाळी अकराच्या सुमारास घडली आहे. मयत अशोक शनमुख माळी हे माडग्याळ येथील वृत्तपत्र विक्रेते भीमण्णा माळी यांचे ते ज्येष्ठ बंधू आहेत. त्यांच्या पश्चात तीन मुली व एक मुलगा ,पत्नी, आई-वडील असा परिवार आहे.ऐक होतकरू तरुण शेतकरी अशा प्रकारे अपघातात मरण पावल्यामुळे गावात हळहळ व्यक्त होत आहे. त्यामुळे काळाने अशी झडप घातल्यामुळे नागरिक हळहळ व्यक्त करत होते.
