कासेगाव वार्ताहर
वाळवा तालुक्यातील नेर्ले येथिल आशियाई महामार्गावर अज्ञात वाहनाने दिलेल्या धडकेत दुचाकीस्वार अरविंद राजाराम कदम ५५ रा. नेर्ले हे ठार झाले आहेत.
याबाबत पोलिसांकडून मिळालेली माहिती अशी की, अरविंद राजाराम कदम हे हॉटेल दत्तभवन समोर असणारी त्यांची पानपट्टी बंद करून मोटारसायकल क्र. एम एच १० सी.झेड. ८०४० वरून रात्री १२ च्या दरम्यान घरी चालले होते ते कदम मळ्याकडे जाणाऱ्या रस्त्याच्या समोर आले असता अज्ञात वाहनाने जोराची धडक दिली यात ते गंभीर जखमी होऊन मृत्युमुखी पडले. याबाबत आदित्य महादेव कदम २४ रा नेर्ले यांनी पोलिसात फिर्याद दिली असून अज्ञात वाहन चालकावर गुन्हा दाखल करण्यात आला आहे. अधिक तपास पोहेकॉ सी.ए. पवार करत आहेत. कदम यांच्या पश्चात पत्नी दोन मुले असा परिवार असून त्यांच्या जाण्याने गावावर शोककळा पसरली आहे.
