सातारा येथील विभागीय स्पर्धेसाठी निवड
ओटवणे | प्रतिनिधी
शालेय जिल्हास्तरीय मुलींच्या १४ वर्षाखालील कबड्डी स्पर्धेत सांगेली माध्यमिक विद्यालय आणि कनिष्ठ महाविद्यालयाच्या संघाने प्रथम क्रमांक पटकाविला. त्यामुळे प्रशालेच्या या संघाची सातारा येथे होणाऱ्या विभागीय स्पर्धेसाठी निवड झाली आहे.
सिंधुदुर्ग क्रीडा संकुलाच्या आवारात नेटवर झालेल्या या स्पर्धेत हंसिका आनंद गावडे हिच्या नेतृत्वाखाली या प्रशालेतील स्नेहल राऊळ, प्रांजल राऊळ, शमिका धर्णे, सेजल पवार, सारिका कुंभार, नियती सांगेलकर, वैभवी मोरजकर, वैष्णवी कुंभार, श्रुती लाड , अनुष्का राऊळ, विशाखा सावंत यांनी भाग घेतला. यात हंसिका गावडे, प्रांजल राऊळ, स्नेहल राऊळ यांच्या दमदार कामगिरीमुळे या जिल्हास्तरीय स्पर्धेत प्रथम क्रमांक पटकाविला.
या यशस्वी कबड्डी संघासाठी क्रीडा शिक्षक ए. एम्. सावंत तसेच शाळेचे आजी माजी विद्यार्थी श्रावणी राऊळ, वैष्णवी पालव, हर्षद राऊळ यांचे मार्गदर्शन लाभले. या यशस्वी कबड्डी संघाने श्री गिरीजानाथ ग्रामविकास मंडळाचे अध्यक्ष पंढरीनाथ राऊळ, सचिव विश्वनाथ राऊळ इतर संस्था पदाधिकारी, प्रशालेचे प्राचार्य रामचंद्र घावरे, शिक्षक, कर्मचारी व ग्रामस्थानी अभिनंदन करून पुढील वाटचालीस शुभेच्छा दिल्या.
