दोडामार्ग – वार्ताहर
श्री शिवप्रतिष्ठान हिंदुस्थानचे संस्थापक संभाजी भिडे गुरुजी आज दोडामार्ग शहरात दाखल होत येथील श्री देव पिंपळेश्वरचे दर्शन घेतले. यावेळी दोडामार्ग तालुक्यातील धारकऱ्यांनी तसेच तमाम हिंदू बांधवांनी त्यांचे जंगी स्वागत केले .
गोव्यात एका नियोजित कार्यक्रमासाठी संभाजी भिडे गुरुजी आज आले होते. त्यावेळी भिडे गुरुजी येथील शहरातील पिंपळेश्वर चौकात आले असता त्यांचे धारकऱ्याकडून जंगी स्वागत करण्यात आले. यावेळी मां जिजाऊ माता, छत्रपती श्री शिवाजी महाराज, धर्मवीर श्री संभाजी महाराज, यांच्या जोरदार घोषणा देत भारत माता की जय म्हणत आकाश दुमदुमूवून टाकला. त्यानंतर भिडे गुरुजींनी श्री देव पिंपळेश्वरचे दर्शन घेत एक प्रदक्षिणाही काढली. यावेळी गुरूजींनाभेटण्यासाठी तालुक्यातील शेंकडों धारकरी यावेळी हजर होते. आपल्या धारकऱ्यांना भेटून चर्चा केल्यानंतर गुरुजी गोव्याचे दिशेने नियोजित कार्यक्रमासाठी जायला निघाले. यावेळी श्री शिवप्रतिष्ठान हिंदुस्थानचे सिंधुदुर्ग जिल्हाध्यक्ष मंगेश पाटील, तालुकाध्यक्ष प्रकाश गवस, नगराध्यक्ष चेतन चव्हाण, बांधकाम सभापती नितीन मणेरिकर, भारत माता की जय संघटनेचे गणेश गावडे, यांसह शैलेश दळवी, रंगनाथ गवस, समीर रेडकर, आदी अनेकजण उपस्थित होते.
