Samarjitsinh Ghatge Vs Hasan Mushrif : कोल्हापूर जिल्ह्यातील कागल तालुक्यात भाजप जिल्हाध्यक्ष समरजितसिंह घाटगे आणि आमदार हसन मुश्रीफ यांच्यातील राजकीय संघर्ष वाढतच चाललाय. दोन्ही गटाकडून एकमेकांवर आरोप प्रत्यारोपांच्या फैरी सुरु असतानाच आज त्यामध्ये आणखी एका वादाची भर पडलीय. समरजितसिंह घाटगे यांच्या पत्नी नवोदिता यांचा मुश्रीफ गटाकडून एकेरी उल्लेख झाल्याचा आरोप करत कागलमध्ये आज हसन मुश्रीफ यांच्या विरोधात मोर्चा काढण्यात आला. या मोर्चामध्ये मुश्रीफ यांनी माफी मागावी अशी मागणी करण्यात आली. तसंच मुश्रीफ यांचा प्रतीकात्मक पुतळा जाळत जोडेमारत निषेध केलाय.
दरम्यान, या प्रकारानंतर नवोदिता घाटगे यांनी सोशल मीडियामध्ये व्हिडिओ पोस्ट करून हसन मुश्रीफ यांच्यावर हल्ला चढवलाय. हा प्रकार पहिलाच नसून यापूर्वी अनेकदा मुश्रीफ गटाकडून एकेरी उल्लेख झाल्याचा आरोप नवोदिता घाटगे यांनी केला. गेल्या पाच वर्षांपासून हा प्रकार सुरू असल्याचे त्यांनी म्हटले आहे. अशाप्रकारे करत असाल तर हे चुकीचे असल्याचे त्यांनी म्हटले आहे. एकेरी उल्लेख झाल्याने महिलांना वाईट वाटल्याने त्यांनीच हा मोर्चा काढल्याचे त्या म्हणाल्या.
हेही वाचा- Sanjay Raut : संजय राऊतांचा मुक्काम आर्थर रोड कारागृहात
यापूर्वी समरजित घाटगे यांनी हसन मुश्रीफ यांना पराभूत करूनच आमदार होणार असल्याच वक्तव्य केले होतं. त्यावर आज मुश्रीफ यांनी मला पडणारा जन्माला यायचा आहे अशी प्रतिक्रिया दिली. एक प्रकारे कागलमध्ये विधानसभेची रंगत तालीम आतापासूनच सुरु असल्याचे पाहायला मिळत असताना मला पाडणारा अजून जन्माला यायचा आहे, असे आव्हानच राष्ट्रवादी काँग्रेसचे नेते आमदार हसन मुश्रीफ यांनी समरजितसिंह घाटगे यांना दिले आहे. याला समरजितसिंह घाटगे यांच्या पत्नी नवोदिता यांनी जोरदार प्रत्युत्तर दिलं आहे. रावणाला देखील अशाच प्रकारे अहंकार होता, त्यामुळे कागलची जनता ठरवेल की त्यांना रामराज्य हवे आहे की नको? अशा शब्दात नवोदिता घाटगे यांनी मुश्रीफ यांच्यावर निशाणा साधला.
समरजितसिंह घाटगे यांच्या पत्नी नवोदिता घाटगे यांचा हसन मुश्रीफ यांचे कार्यकर्ते प्रकाश गाडेकर यांनी एकेरी उल्लेख केल्याच्या विरोधात आज कागलमध्ये मोर्चा काढून निषेध करण्यात आला. त्याबाबत मुश्रीफ यांनी आम्ही महिलांचा आदरच करतो. आम्ही अस काही बोललो नाही, समरजितसिंह घाटगे अपरिपक्व आहेत ते अशा गोष्टींच राजकारण करत आहेत, अशी टीका केली.
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.
Related Posts
