सदानंद तानावडे यांची राज्यसभा खासदारपदी निवड

पणजी : गोव्यातील एकमेव असलेल्या राज्यसभा खासदारपदासाठी सदानंद तानावडे यांची बिनविरोध निवड झाली असून काल मंगळवारी त्यांना निर्वाचन अधिकारी नम्रता उलमन यांच्याहस्ते खासदारकीचे पत्र देण्यात आले. या एकमेव पदासाठी तानावडे यांचा एकमेव अर्ज आला होता. त्यामुळे प्रत्यक्ष निवडणूक टळली आणि तानावडे यांचा बिनविरोध विजय झाला. विरोधी पक्षांनी या निवडणुकीतून अंग काढल्यामुळे तानावडे बिनविरोध आले म्हणून मुख्dयामंत्री डॉ. प्रमोद सावंत यांनी विरोधकांचेही आभार मानले. पत्र देताना डॉ. सावंत उपस्थित होते. भाजपचे इतर मंत्री, आमदारही हजर होते. सर्वांनी तानावडे यांचे अभिनंदन केले. ते गोव्यातून राज्यसभेवर प्रथमच बिनविरोध निवडून आले आहेत.