स्टॉकहोम स्पर्धेत साबळेचा सहभाग
वृत्तसंस्था/ स्टॉकहोम
डायमंड लिग आंतरराष्ट्रीय अॅथलेटिक्स स्पर्धेतील येथे रविवारी होणाऱ्या स्टॉकहोमच्या टप्प्यातील स्पर्धेत भारताचा धावपटू अविनाश साबळे सहभागी होणार आहे. तो या स्पर्धेत 3000 मी. स्टिपलचेस प्रकारात भाग घेत आहे.
28 वर्षी साबळेने 28 मे रोजी मोरोक्कोत झालेल्या डायमंड लिग सिरीज अॅथलेटिक्स स्पर्धेत 3000 मीटर स्टिपलचेस प्रकारात 10 वे स्थान मिळवले होते. 2022 च्या राष्ट्रकुल क्रीडा स्पर्धेत साबळेने भारताला रौप्यपदक मिळवून दिले होते. हंगेरीतील बुडापेस्ट येथे 19 ते 27 ऑगस्ट दरम्यान होणाऱ्या विश्व अॅथलेटिक्स चॅम्पियनशिप स्पर्धेसाठी साबळेला विदेशात सरावासाठी पाठवण्यात आले आहे.
