ऑनलाईन टीम / तरुण भारत :
Andheri East By Election Result : अंधेरी पूर्व विधानसभा पोटनिवडणुकीचा आज निकाल आहे. आतापर्यंत पहिल्या सहा फेऱ्यांचे निकाल हाती आले असून, यात शिवसेना उद्धव ठाकरे गटाच्या उमेदवार ऋतुजा लटके (Rutuja Latke) यांची आघाडी कायम आहे. त्यामुळे या निवडणुकीत उद्धव ठाकरेंच्या शिवसेनेची मशाल पेटणार असल्याचे दिसून येते. लटकेंनंतर मतदारांनी नोटाला पसंती दिली आहे. नोटा दुसऱ्या क्रमांकावर आहे.
या निवडणुकीच्या रिंगणात एकूण सात उमेदवार होते. पैकी 4 अपक्ष, राइट टू रिकाॅल व पीपल्स पार्टीचा प्रत्येकी एक उमेदवार होता. ठाकरे गटाच्या ऋतुजा लटके या एकमेव राष्ट्रीय स्तरावरील पक्षाच्या उमेदवार होत्या. भाजप, राष्ट्रवादी, काँग्रेस व मनसे या बड्या सर्व पक्षांनी उमेदवार दिला नव्हता. त्यामुळे लटके यांचा विजय जवळपास निश्चित मानला जात आहे.
अधिक वाचा : श्रीलंकेचा फलंदाज दनुष्का गुनाथिलकाला ऑस्ट्रेलियात अटक
2.71 लाख मतदार असलेल्या या मतदारसंघात अवघे 31.74 टक्के मतदान झाले होते. त्यात नोटाला अनेक मतदारांनी पसंती दिली आहे. इतर उमेदवारांपेक्षा नोटाला जास्त मतं आहेत. त्यामुळे नोटालाही मोठ्या संख्येने मते पडण्याची शक्यता आहे. भाजपने नोटाचा प्रचार केल्याचा आरोप शिवसेना ठाकरे गटाकडून करण्यात आला होता.
