जानेवारी 14 पर्यंत आयोजन : एकूण 186 स्टॉल्स : खाद्यपदार्थांचे प्रख्यात स्टॉल सहभागी होणार
बेळगाव : रोटरी क्लब बेळगावतर्फे ‘रोटरी अन्नोत्सव 2025’ दि. 3 ते 14 जानेवारीदरम्यान अंगडी कॉलेज ग्राऊंड, सावगाव रोड येथे होणार आहे. शुक्रवार दि. 3 रोजी सायंकाळी 5.30 वाजता माजी खासदार आणि सुरेश अंगडी एज्युकेशनल फाउंडेशनच्या अध्यक्षा मंगला सुरेश अंगडी यांच्या हस्ते अन्नोत्सवाचे उद्घाटन होणार आहे. याप्रसंगी डॉ. स्फूर्ती अंगडी आणि रोटरीचे प्रांतपाल रो. शरद पै उपस्थित राहणार आहेत, अशी माहिती रोटरी क्लब बेळगावचे चेअरमन रो. सुहास चांडक यांनी दिली. अन्नोत्सवाबाबत माहिती देताना ते म्हणाले, अन्न ही प्रत्येकाची गरज आहे. वेगवेगळ्या समाजात वेगवेगळ्या प्रकारची खाण्यापिण्याची आवड असते. बेळगावमध्ये सर्व समाजाचे आणि देशाच्या विविध भागातून आलेले लोक राहत असल्याने त्यांची खाण्यापिण्याची आवडसुद्धा वेगवेगळी आहे. या सर्व समाजाच्या लोकांना एकत्र आणून त्यांच्या आवडीनुसार खाद्यपदार्थ उपलब्ध करून देण्याच्या उद्देशाने 1997 साली रोटरी क्लबने सर्वप्रथम ‘अन्नोत्सव’ उपक्रमाची सुऊवात केली. रोटरीचे अविनाश पोतदार यांच्या नेतृत्वाखाली सुरू झालेल्या या उपक्रमाने यशाची उंची गाठत अन्नोत्सवला वेगळ्या उंचीवर ठेवले आहे.
उत्सवात देशाच्या विविध भागातून दीडशेहून अधिक स्टॉल सहभागी होणार असून काश्मीर ते जयपूरपर्यंत, गोवा, कोल्हापूर, सातारा, पुणे, नवी दिल्ली येथील प्रख्यात खाद्यपदार्थांचे स्टॉल सहभागी होणार आहेत. यंदाचे अन्नोत्सवाचे 28 वे वर्ष असून या इव्हेंटचे चेअरमन म्हणून रो. शैलेश मांगले व अक्षय कुलकर्णी व सचिव म्हणून डॉ. मनीषा हेरेकर काम पाहत आहेत. यावषी 186 स्टॉल्सबरोबरच भव्य स्टेजची उभारणी अन्नोत्सवमध्ये केली आहे. यामध्ये 63 नॉनव्हेज आणि 51 व्हेज स्टॉल्स आहेत आणि 72 कंझ्यूमर स्टॉल्समध्ये विविध वस्तू प्रदर्शित केल्या आहेत. स्टेजवर रोज वेगवेगळे कार्यक्रम सादर केले जाणार आहेत. यामध्ये बॉडी बिल्डिंग स्पर्धा, बॉलीवूड नाईट, शहेनशाह बच्चन नाईट, मिस बेळगावी स्पर्धा, बूगी-वूगी, सुफी नाईट, अलग रिदम, शानदार श्रेया, डिस्को किंग नाईट, बॉलीवूड मिक्सॉलॉजी यांचा समावेश आहे. 12 दिवसांत 1.20 लाख लोक भेट देतील, अशी अपेक्षा आहे.
नागरिकांनी केलेल्या सूचना लक्षात घेऊन यावषी पार्किंगसाठी भव्य सोय करण्यात आली आहे. याशिवाय स्टॉल ओनरसाठी वेगळी पार्किंगची व्यवस्था करण्यात आली आहे. स्त्री आणि पुऊषांसाठी वेगवेगळी प्रसाधन व्यवस्था करण्यात येणार असून सुरक्षिततेच्यादृष्टीने संपूर्ण काळजी घेतली जाणार आहे. आजवर रोटरी क्लबने शाळा, स्वच्छतागृह, अॅम्ब्युलन्स, नेत्रपेढी, त्वचा पेढी, डायलिसिस केंद्र, पोलिओ व्हॅक्सिनेशनसाठी रेफ्रिजरेटर आणि आर्टिफिशियल लिम्बससाठी अर्थसाहाय्य केले आहे. यंदाच्या अन्नोत्सवातून मिळणारा निधी बेळगावसाठीच खर्च केला जाणार आहे. अनेक लोकोपयोगी उपक्रम त्यातून राबविले जाणार आहेत, अशी माहितीही यावेळी देण्यात आली.
