लोकसभा निवडणुकीच्या पार्श्वभूमीवर साटेली-भेडशीत रूट मार्च !

दोडामार्ग – वार्ताहर
साटेली-भेडशी येथे लोकसभा निवडणुकीच्या पार्श्वभूमीवर दोडामार्ग पोलीस ठाण्याचे अधिकारी व अंमलदार तसेच त्रिपुरा राज्याच्या रिझर्व्ह फोर्सने संचलन केले. येथील बाजारपेठेत सोमवारी सायंकाळी ५ वाजण्याच्या सुमारास रूट मार्च काढण्यात आला. ७ मे रोजी होणाऱ्या मतदाना दिवशी मतदारांनी निर्भयपणे मतदान करावे यासाठी हे संचलन करण्यात आले. यावेळी त्रिपुरा राज्याच्या रिझर्व्ह फोर्सचे जवान, दोडामार्ग पोलीस निरीक्षक निसर्ग ओतारी यांचा समावेश होता.