वृत्तसंस्था/ लिस्बन (पोर्तुगाल)
युफा नेशन्स लीग गट-ए-2 मधील रविवारी येथे झालेल्या सामन्यात यजमान पोर्तुगालने स्वित्झर्लंडचा 4-0 अशा गोलफरकाने एकतर्फी पराभव केला. या सामन्यात पोर्तुगालचा कर्णधार क्रिस्टीयानो रोनाल्डोने दोन गोल नोंदविले.
तीन वर्षांपूर्वी 5 जूनला या दोन संघामध्ये झालेल्या सामन्यात कर्णधार रोनाल्डोने हॅट्ट्रीक नोंदविली होती. आता रविवारी झालेल्या सामन्यात त्याने पुन्हा दोन गोल नोंदविले. रोनाल्डोने आंतरराष्ट्रीय सामन्यामध्ये आतापर्यंत 117 गोल नोंदविले आहेत. रविवारच्या सामन्यात मध्यंतरापूर्वी रोनाल्डोने 5 मिनिटांच्या कालावधीत दोन गोल नोंदविले. पोर्तुगालतर्फे बर्नांर्डो सिल्वा आणि कार्व्हालो यांनीही प्रत्येकी एक गोल केला. पोर्तुगाल आणि स्वित्झर्लंड यांच्यात आतापर्यंत झालेल्या 11 आंतरराष्ट्रीय फुटबॉल सामन्यात पोर्तुगालने केवळ दोन सामने गमविले आहेत.
