ओल्ड फाटाजकडे रोहन कुपेकर चषक

बेळगाव : हिंडलगा येथे रोहन डिफेंडर फुटबॉल क्लब आयोजित रोहन कुप्पेकर स्मृतीचषक 7 ए साईड फुटबॉल स्पर्धेच्या अंतिम सामन्यात ओल्ड फाटाज संघाने किंग ब्रदर्स मनोज संघाचा टायब्रेकरमध्ये 2-1 असा पराभव करून रोहन कुपेकर चषक पटकाविला. उत्कृष्ट खेळाडू प्रद्युम बोकडे, उत्कृष्ट गोलरक्षक अगरवाडेकर यांना गौरविण्यात आले. हिंडलगा येथे बॉक्साईट रोड शेजारी आयोजित करण्यात आलेल्या रोहन कुपेकर चषक 7 ए साईड फुटबॉल स्पर्धेत जवळपास 32 संघानी भाग घेतला. स्पर्धेच्या अंतिम सामना ओल्ड फाटाज व किंग ब्रदर्स मनोज यांच्यात झाला. या सामन्यात निर्धारीत वेळेत दोन्ही संघाना गोल करण्यात अपयश आल्याने पंचानी टायब्रेकर नियमाचा वापर केला. त्यामध्ये ओल्ड फाटाज संघाने 2-1 अशा गोलफरकाने विजय मिळवित विजेतेपद पटकाविले. ओल्ड फाटाजतर्फे प्रद्युम्न बोकडे व नितीन यांनी गोल केले. तर किंग्स ब्रदर्सतर्फे हिदायतउल्ला याने गोल केला. सामन्यानंतर प्रमुख पाहुणे चंद्रकांत कडोलकर, चेतना अगसगेकर, दयानंद भोगण, सतीश गणाचारी, रामचंद्र कुद्रेमानीकर, विठ्ठल देसाई, राहुल उरणकर, देविदास जगताप, रोहन कुपेकर कुटुंबियातर्फे विजेत्या ओल्ड फाटाज व उपविजेत्या किंग्स ब्रदर्स संघाला आकर्षक चषक, रोख रक्कम व पदके देऊन गौरविण्यात आले. स्पर्धेतील उत्कृष्ट खेळाडू प्रद्युम्न बोकडे, उत्कृष्ट डिफेंडर आजलान चंदगडकर, उत्कृष्ट गोलरक्षक सतीश अगरवाडेकर, उत्कृष्ट संघ रेग बारबोजा संघाला चषक देऊन गौरविण्यात आले.