प्रसाद ओककडून नव्या चित्रपटाची घोषणा
‘हिरकणी’ आणि ‘चंद्रमुखी’ चित्रपटाला मिळालेल्या मोठ्या यशानंतर अभिनेता प्रसाद ओक पुन्हा एकदा दिग्दर्शनाची धुरा सांभाळणार आहे. प्रसाद ओकने या नव्या चित्रपटाचे पोस्टर शेअर केले आहे. या चित्रपटात प्रसाद ओक मुख्य भूमिकेत असणार आहे. रितिका श्रोती ही मराठी चित्रपटसृष्टीतील लोकप्रिय अभिनेत्री या चित्रपटाद्वारे प्रेक्षकांच्या भेटीला येणार आहे.
प्रसादच्या आगामी चित्रपटाचे नाव ‘वडापाव’ असून यात ‘एका गोड कुटुंबाची तिखट लव्हस्टोरी’ दाखविण्यात येईल असे त्याने पोस्टर शेअर करत म्हटले आहे. वडापावचे पहिले पोस्टर मंजिरी ओक, प्रसाद ओक आणि चित्रपटातील अन्य कलाकारांनीही शेअर केले आहे. या चित्रपटात प्रसाद ओकसोबत गौरी नलावडे, अभिनय बेर्डे, रितिका श्रोत्री, रसिका वेंगुर्लेकर, सिद्धार्थ साळवी, शाल्व किंजवडेकर, सविता प्रभुणे हे कलाकार दिसून येणार आहेत.
या चित्रपटाला कुणाल करण याच्याकडून संगीत दिले जाणार आहे. प्रसाद ओकच्या या नव्या चित्रपटाला मराठी कलाविश्वातील अनेक कलाकारांनी शुभेच्छा दिल्या आहेत.
