बेळगाव : समर्थनगर परिसरात एका ऑटोरिक्षाचालकाला मारहाण करण्यात आली आहे. बुधवारी दुपारी ही घटना घडली असून रात्री मार्केट पोलीस स्थानकात एफआयआर दाखल करण्यात आला आहे. अल्ताफहुसेन मुजावर (वय 58) राहणार शाहूनगर असे त्या रिक्षाचालकाचे नाव आहे. त्याच्यावर सिव्हिल हॉस्पिटलमध्ये उपचार करण्यात येत आहेत. बुधवार दि. 25 जून रोजी 12.30 वाजण्याच्या सुमारास ही घटना घडली आहे. मार्केटचे पोलीस निरीक्षक महांतेश धामण्णावर, उपनिरीक्षक विठ्ठल हावण्णावर व त्यांचे सहकारी पुढील तपास करीत आहेत. अल्ताफहुसेन हा समर्थनगरला भाडे घेऊन गेला होता. चिखलामुळे घरापर्यंत सोडण्यावरून प्रवासी महिला व रिक्षाचालक यांच्यात वादावादी झाली. त्यानंतर चालकाला मारहाण करण्यात आली. मारहाणीनंतर परिसरात रिक्षाचालक एकत्र आले. त्यावेळीही वादावादी झाली, असे पोलिसांनी सांगितले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
