एसआरएस हिंदुस्थानकडे आरजीपीएल चषक

बेळगाव : एसआरएस हिंदुस्थान आयोजित अनगोळ मर्यादीत क्रिकेट स्पर्धेच्या अंतिम सामन्यात एसआरएस हिंदुस्थानने राजहंस गल्लीचा राजाचा 9 गड्यांनी पराभव करून आरजीपीएल चषक पटकाविला. या सामन्यात राजहंस गल्लीचा राजा संघाने प्रथम फलंदाजी करताना 4 षटकात 3 गडी बाद 29 धावा जमवल्या. प्रत्युत्तरादाखल खेळताना एसआरएस हिंदुस्थान संघाने 3 षटकात 1 गडी बाद 30 धावा करून सामना 9 गड्यांनी जिंकला. अंतिम सामन्याचा सामनावीर उमेश कुऱ्याळकर, उत्कृष्ट गोलंदाज गजानन हसबे, उत्कृष्ट फलंदाज ओमकार जाधव, उगवता खेळाडू नागेश सोमण्णाचे, मालिकावीर उमेश कुऱ्याळकर यांने एकूण 131 धावा व 6 गडी बाद करत मालिकावीर चा मानकरी ठरला. बक्षीस वितरण मनोज चवरे, राजू मुधोळकर, रवी येळ्ळूरकर, बाळू कुऱ्याळकर, संदीप मुधोळकर, मल्लाप्पा होळकर यांच्या हस्ते करण्यात आले.