सुकळवाड एम. आय. टी. एम. अभियांत्रिकी महाविद्यालयात रेक्स व मेट्रोपल्स २०२५ चे उद्घाटन

वार्ताहर
डिगस
जयवंती बाबू फाउंडेशन संचलित सुकळवाड येथील एम. आय. टी. एम. अभियांत्रिकी महाविद्यालयात दरवर्षीप्रमाणे रेक्स व मेट्रोपल्स या टेक्निकल व नॉन टेक्निकल कार्यक्रमाचे उद्घाटन सिंधुदुर्गातील उद्योजक अनंत सावंत यांच्या हस्ते झाले. या कार्यक्रमात विविध विभागातील विद्यार्थ्यांनी प्रात्यक्षिके, प्रकल्प आदीचे सादरीकरण केले आहे. यावेळी संस्थेचे उपाध्यक्ष विनोद कदम, खजिनदार सौ. वृषाली कदम, प्राचार्य डॉ. एस. व्ही. ढणाल, डिप्लोमा प्राचार्य विशाल कुशे, उपप्राचार्य सौ. पुनम कदम आणि अन्य प्राध्यापक उपस्थित होते, सिंधुदुर्ग, रत्नागिरी, कोल्हापूर जिल्ह्यातील विविध महाविद्यालयातून एकूण ३०० पेक्षा अधिक विद्यार्थ्यांनी सहभाग घेतला आहे. रेक्स या नॅशनल लेव्हल प्रोजेक्ट मॉडेल कॉम्पिटिशन मध्ये सादर झालेल्या प्रात्यक्षिकांमध्ये वेगवेगळ्या विषयांवर नाविन्यपूर्ण सादरीकरण करण्यात आले आणि मेट्रोपल्स २०२५ मध्ये टेक्निकल आणि नॉन टेक्निकल विभागातून या विद्यार्थ्यांनी सहभाग घेतला आहे. यामध्ये ड्राफ्टिक्स सिव्हिल, ऑटोकॅड, कोड वॉर, सर्किट मेकिंग, पेपर प्रेझेंटेशन, इंस्टा रील, स्पॉट फोटोग्राफी, बेलीबॉल, पोस्टर मेकिंग, रांगोळी, डेबिट,मिनीमिलिशिया, ट्रेसर हंट, बिझीएमआय यासारखे कार्यक्रम घेण्यात आले. अनंत सावंत यांनी यावेळी विद्यार्थ्यांना टेक्निकल मार्गदर्शन केले व त्यांचे कौतुकही केले. त्याचप्रमाणे संस्थेचे अध्यक्ष संतोष पाल, उपाध्यक्ष विनोद कदम, सेक्रेटरी सौ. नेहा पाल, खजिनदार सौ. वृषाली कदम, विश्वस्त केतन कदम आणि प्राचार्य डॉ. एस. व्ही. ढणाल यांनी सर्व विद्यार्थ्यांना शुभेच्छा दिल्या.