बेळगाव : आठवडाभरापूर्वी महांतेशनगर येथील एका घरातून चोरीस गेलेली 20 ग्रॅम सोन्याची चेन संबंधितांना परत करण्यात आली आहे. त्यांच्या घरात काम करणाऱ्या दोन महिलांनी ही चेन चोरल्याचे उघडकीस आले असून त्यांच्यावरही कारवाई करण्यात आली आहे. आठवडाभरापूर्वी महांतेशनगर येथील संपतकुमार देवेंद्र गिडगंटी यांच्या घरातून 20 ग्रॅम सोन्याची चेन चोरीला गेली होती. यासंबंधी त्यांनी माळमारुती पोलिसांत तक्रार केली होती. घरात काम करणाऱ्या दोन महिलांवर संशय व्यक्त केला होता. त्यानुसार पोलिसांनी त्या दोन्ही महिलांची चौकशी केली असता त्यांनी सोन्याची चेन घेतल्याची कबुली दिली. पोलीस निरीक्षक जे. एम. कालीमिर्ची, उपनिरीक्षक श्रीशैल हुळगेरी, व्हन्नाप्पा तळवार, साहाय्यक पोलीस उपनिरीक्षक ए. बी. कुंडेद, एम. जी. कुरेर, के. बी. गौरानी, सी. आय. चिगरी आदींनी ती चेन ताब्यात घेऊन संबंधितांना पोलीस स्थानकात बोलावून त्यांच्याकडे सुपूर्द केली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
