बेळगाव : विहिरीत पडलेल्या कोल्ह्याला अग्निशमन दलाच्या जवानांनी जीवदान दिले. बुधवारी सायंकाळी भेंडिगेरी, ता. बेळगाव येथे ही घटना घडली. सुमारे 35 फूट खोल विहिरीतून कोल्ह्याला सुखरुप बाहेर काढून त्याला वनखात्याच्या अधिकाऱ्यांकडे सुपूर्द केले. कोल्ह्याला वाचविण्यासंबंधी वनखात्याच्या अधिकाऱ्यांनी अग्निशमन दलाला माहिती दिली. साहाय्यक अग्निशमन अधिकारी अरुण माळोदे, कल्लाप्पा येळ्ळूरकर, शंकर मायाण्णावर आदींनी भेंडिगेरी गाठले. अग्निशमन दलाचे अधिकारी दाखल होण्याआधी स्थानिक नागरिक व वनकर्मचाऱ्यांनीही कोल्ह्याला वाचविण्यासाठी प्रयत्न सुरू केले होते. अग्निशमन दलाने विहिरीतून कोल्ह्याला बाहेर काढले. एका पिंजऱ्यात घालून तो वनाधिकाऱ्यांकडे सोपविले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
