ग्राहकांसह शेतकरी, बागायतदार, दुकान व हॉटेल चालकांची मागणी
फोटो दीपक गावकर
ओटवणे प्रतिनिधी
सरमळे गावातून जाणाऱ्या जिल्हा मार्गावरील दाभिल तिठा येथी कमी क्षमतेचा तसेच जीर्ण झालेल्या ट्रान्सफार्मरमुळे
ग्राहकांसह शेतकरी व बागायतदार, दुकान व हॉटेल चालकांना अनेक समस्यांना तोंड द्यावे लागत असून या ठिकाणी त्वरीत नवीन १०० केव्हिचा ट्रान्सफार्मर बसवावा अशी मागणीया भागातीलग्राहकांसह शेतकरी व बागायतदार, दुकान व हॉटेल चालकांनी केली आहे.जीर्ण झालेल्या या कमी क्षमतेच्या या ट्रान्सफार्मरमुळे विद्युत उपकरणे चालत नाहीत तसेच मोटर पंप यांनाही आवश्यकता क्षमतेचा वीज पुरवठा होत नसल्याने पंप सुरू होत नाहीत. तसेच सातत्याने वीजपुरवठा ठप्प होतो. पर्यायाने ग्राहकांसह शेतकरी व बागायतदार, हॉटेल व दुकानदारांना अनेक समस्यांना तोंड द्यावे लागत आहे. या ट्रान्सफार्मरच्या डीपी मधील सर्व फ्यूज निकामी झाल्या असुन आतील सर्व कनेक्शनच जीर्ण झाले आहे. त्यामुळे वीज वितरण कंपनीने याची तात्काळ दखल घेऊन या ठिकाणी त्वरीत नवीन १०० केव्हिचा ट्रान्सफार्मर बसवावा अशी मागणी केली आहे.दरम्यान वीज बिले भरणा अंतिम तारखेच्या अवघ्या दोन दिवस अगोदर वीज बिले दिली जातात याबाबत सरमळे गावातून तीव्र नाराजी व्यक्त होत आहे. त्यामुळे यापुढे वेळेत वीजबिले द्यावे अन्यथा वीज बीले न भरण्याचा इशारा सरमळे ग्रामस्थांनी दिला आहे.
