‘त्या’ धोकादायक ड्रेनेजच्या झाकणाची दुरुस्ती

बेळगाव : खानापूर रोडवरील गोवावेस सर्कल येथील पंचवटी मंदिरसमोर ड्रेनेज चेंबरवरील झाकण नादुरुस्त होऊन आठ दिवस उलटले होते. तरीदेखील सदर झाकणाची दुरुस्ती करण्यात न आल्याने याबाबत ‘तरुण भारत’मधून वृत्त प्रसिद्ध करण्यात आले होते. याची दखल घेत नगरसेवक नितीन जाधव यांनी ‘ते’ धोकादायक झाकण बसविण्याची सूचना मनपाला केल्याने नागरिकांतून समाधान व्यक्त केले जात आहे. धोकादायक झाकण मंगळवारी रात्री तातडीने दुरुस्त करण्यात आले. गेल्या आठ दिवसांपासून धोकादायक झाकण तसेच होते. काही नागरिकांनी झाकणाभोवती दगड आणि विटा ठेवल्या होत्या. सदर झाकणामुळे पादचारी आणि वाहनचालकांना धोका निर्माण झाला होता. याची माहिती समजताच नगरसेवक नितीन जाधव यांनी मनपा अधिकाऱ्यांना बोलावून घेऊन धोकादायक झाकणाची दुरुस्ती केली. त्यामुळे समाधान व्यक्त केले.