बेळगाव : शहरामध्ये ड्रेनेची समस्या नेहमीच भेडसावत आहे. विविध ठिकाणी चेंबर ब्लॉक होवून रस्त्यावर ड्रेनेजमिश्रीत पाणी वाहत असते. नेहरुनगर येथील बसवाण्णा मंदिरजवळील मुख्य रस्त्यावर ड्रेनेजचे पाणी वाहू लागले आहे. यामुळे नागरिकांतून तीव्र संताप व्यक्त करण्यात येत असून तातडीने त्याची दुरुस्ती करावी, अशी मागणी करण्यात येत आहे. नेहरुनगर येथील या दोन्ही गल्ल्यांमध्ये वारंवार ड्रेनेज ब्लॉक होत आहे. याबाबत अनेकवेळा महानगरपालिकेकडे तक्रार करण्यात आली आहे. मात्र त्याकडे दुर्लक्ष होत असून तातडीने याची दुरुस्ती करावी, अन्यथा पुन्हा एकदा रास्ता रोको करु, असा इशारा येथील स्थानिक नागरिकांनी दिला आहे. रस्त्यावरुन पाणी वाहत असल्यामुळे वाहने ये-जा करताना नागरिकांना दुर्गंधीशी सामना करावा लागत आहे. आता पावसाला सुरूवात होणार आहे. त्यामुळे गंभीर परिस्थिती निर्माण होण्याची शक्यता आहे. तेव्हा तातडीने ‘त्या’ ड्रेनेजची दुरुस्ती करावी, अशी मागणी करण्यात येत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
