जेष्ठ नागरिकांचे जिल्हाधिकार्‍यांना निवेदन
प्रतिनिधी /बेळगाव
पहिले रेल्वे गेट जवळ दुभाजकाला लागून बॅरिकेट्स उभे करण्यात आले आहेत. त्यामुळे मंडोळी रोड, सावरकर रोड, सुभाष उद्यान यासह पश्चिम भागातील टिळकवाडी मधील नागरिकांना व विद्यार्थ्यांना मोठा त्रास होत असून बॅरिकेड्स काढावेत अशी मागणी ज्येष्ठ नागरिकांच्या वतीने जिल्हाधिकाऱ्यांकडे निवेदनाद्वारे केली आहे. पश्चिम भागातील टिळकवाडी मधील नागरिकांना सोमवार पेठसह गोवावेस,आरपीडी क्रॉस यासह इतर महाविद्यालयांना जाणे अवघड आहे. पहिल्या रेल्वेगेट नजीक भाजी मार्केट आहे. त्याठिकाणी जाऊन खरेदी करणेही अवघड झाले आहे. तेव्हा तातडीने ते बॅरिकेट्स हटवावे अशी मागणी करण्यात आली. यावेळी ज्येष्ठ नागरिक बहुसंख्येने उपस्थित होते.
