सत्र न्यायालयापुढे केला होता अर्ज; शहरातील सिद्धिविनायक नगर येथील प्रकार
रत्नागिरी : प्रतिनिधी
शरातील सिद्धीविनायक नगर येथे वेश्याव्यवसाय चालविल्याचा आरोप असलेल्या मुख्य संशयित आरोपीचा जामीन अर्ज सत्र न्यायालयाने फेटाळून लावल़ा राजेंद्र रमाकांत चव्हाण (45, ऱा जांभूळफाटा रत्नागिरी) असे या आरोपीचे नाव आह़े नुकतेच इतर आरोपिंची जामीनावर मुक्तता झाली होत़ी यानंतर मुख्य आरोपी असलेल्या राजेंद्र याने देखील सत्र न्यायालयापुढे जामीनासाठी अर्ज दाखल केला होत़ा मात्र न्यायालयाने त्याला जामीन देण्यास नकार दिल़ा.
रत्नागिरी अतिरिक्त सत्र न्यायाधीश अनिल अंबाळकर यांनी या जामीन अर्जावर निकाल दिल़ा राजेंद्र याच्या जामीन अर्जावर युक्तिवाद करताना त्याच्या वकिलांनी न्यायालयापुढे सांगितले की, राजेंद्र याला चुकीच्या पद्धतीने या सर्व पकरणात गुंतविण्यात आले आह़े त्याचा गुह्यामध्ये कोणताही सहभाग नाह़ी त्याच्या घरामधील तो एकमेव कमावता आह़े तसेच तो रत्नागिरी मधील वास्तव्यास असून तो कोठेही पळून जाणार नाही व न्यायालयाने घालून दिलेल्या सर्व अटी व शर्थीचे तो पालन करेल़ असे न्यायालयापुढे सांगण्यात आल़े.
सरकारी पक्षाकडून जामीन अर्जाला विरोध करताना सांगितले की, पिडीत महिला व राजेंद्र यांच्यात अनेक वेळा मोबाईलवरून संभाषण झाल्याचे तपासात उघड झाले आह़े राजेंद हा पिडीत महिला व इतर आरोपी यांच्यात सातत्याने संपर्कात होत़ा तसेच तो संबंधित फ्लॅटवर वेश्याव्यवसाय चालवित असल्याचे समोर आले आह़े राजेंद्र हा रिक्षाचालक असून त्याचे मोबाईलवरील संभाषण व ऑनलाईन झालेले पैशाचे व्यवहार हे वेश्याव्यवसाय चालविण्यासाठीच झाले असल्याचे तपासात समोर आले आह़े आरोपीचा गुन्हेगारीचा पूर्वइतिहास असून त्याला जामीन अर्ज मंजूर झाल्यास तो पिडीत महिला व साक्षिदार यांना धमकावेल़ तसेच तपास कामात अडथळा निर्माण करू शकत़ो असे सरकार पक्षाकडून न्यायालयापुढे सांगण्यात आल़े.
न्यायालयाने जामीन अर्जावरील निकालात सांगितले की, आरोपी हा रिक्षाचालक असून त्याचे व पिडीत महिलांचे फोन कॉल्स दिसून येत आहेत़ तसेच त्याच्या खात्यामध्ये ऑनलाईन पेमेंट झाले असल्याचे पोलिसांच्या तपासात आढळले आह़े अद्याप पोलिसांचे तपास काम पूर्ण झाले नसल्याने आरोपीला जामीन देण्sा योग्य ठरणार नाही, असे नोंदवत न्यायालयाने आरोपी राजेंद्रचा जामीन अर्ज फेटाळून लावल़ा.
गुह्यातील माहितीनुसार शहरातील मध्यवर्ती आणि उच्चभ्रू ठिकाणी-सिध्दिविनायक नगर येथील एका फॅल्टमध्ये दोन तरुणींचा वापर करुन वेश्याव्यवसाय चालवत असल्याची गोपनिय माहिती पोलिसांना मिळाली होत़ी त्यानुसार गुन्हे अन्वेषण विभागाच्या पथकाने 20 जुलै रोजी दुपारी 2.30 वाजण्याच्या सुमारास छाटा टाकला होत़ा यावेळी संशयित आरोपी राजेंद्र चव्हाण हा वेश्याव्यवसाय चालवित असल्याचे पोलिसांना आढळून आल़े त्यानुसार मुख्य संशयित आरोपी राजेंद्र याच्यावर गुन्हा दाखल करून त्याला अटक करण्यात आली होत़ी तसेच वेश्या व्यवसाय चालविल्यापकरणी पोलिसांनी राजेंद्र याचे साथीदार समीर मंगेश लिंबुकर (23, ऱा साडवली देवरूख), श्रीमंत चंद्रम पूजारी (55, ऱा फणसोप सडा मुळ ऱा कर्नाटक), स्वप्नील बाळकृष्ण इंदुलकर (40, ऱा रेल्वेस्टेशन रत्नागिरी), रोहन मंगेश कोळेकर (30, ऱा सिद्धीविनायक नगर रत्नागिरी), अरबाज अस्लम चाऊस (25, ऱा साखरतर रहमत मोहल्ला, रत्नागिरी) व साई पसाद साळुंखे (21, ऱा कोकणनगर रत्नागिरी) यांच्याविरूद्धही गुन्हा दाखल केल़ा.
