बेळगाव : गोरगरिबांना आधार ठरलेल्या अन्नभाग्य योजनेला दहा वर्षे पूर्ण होत आहेत. त्यानिमित्त दशक महोत्सव आणि राज्यात आहार निगम सुरू होऊन 50 वर्षे पूर्ण होत आहेत. त्यानिमित्ताने सुवर्णमहोत्सव येत्या 29 फेब्रुवारी रोजी बेंगळूर येथे होणार आहे. यासाठी बेळगाव जिल्ह्यातून 10 हजार रेशन दुकानदार आणि ग्राहक रवाना होणार आहेत. नुकतीच कर्नाटक राज्य सरकारी रेशन दुकानदार संघटनेच्या झालेल्या बैठकीत हा निर्णय घेण्यात आला आहे. राज्य उपाध्यक्ष राजशेखर तळवार यांच्या अध्यक्षतेखाली ही बैठक एपीएमसी मार्केट येथील गोदामामध्ये पार पडली. जिल्ह्यात 1875 रेशन दुकाने आहेत. प्रत्येक दुकानदाराने 5 ग्राहकांना बेंगळूरला घेऊन जाण्याचा निर्णयही घेण्यात आला आहे. राज्यात अन्नभाग्य योजनेंतर्गत लाभार्थ्यांना मोफत रेशनचा पुरवठा केला जात आहे. त्याचबरोबर प्रतिव्यक्ती मासिक 170 रुपये दिले जात आहेत. त्यामुळे अन्नभाग्य योजना दारिद्र्या रेषेखालील ग्राहकांना आधार ठरु लागली आहे. या बैठकीला रविंद्र गिंडे, जिल्हाध्यक्ष शांतीनाथ बुडवी, दिनेश बागडे, सुरेश राजुकर, अशोक मन्नोळकर, नारायण कालकुंद्रीकर, उमेश पाटील यासह रेशन दुकानदार उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
