‘अधूरा’ वेबसीरिजमध्ये रसिका

‘अधूरा’ या वेबसीरिजचा ट्रेलर सादर करण्यात आला आहे. याची निर्मिती निखिल अडवाणी यांच्या प्रॉडक्शन कंपनीने केले असून दिग्दर्शक अनन्या बॅनर्जी आणि गौरव चावला यांनी केले आहे. या वेबसीरिजमध्ये ईश्वाक सिंह, पूजन छाबरा, रिजूल रे, जोया मोरानी आणि साहिल सलाथिया हे मुख्य भूमिकेत आहेत. तर यात रसिका दुग्गल, शेरनिक अरोरा आणि राहुल देखील महत्त्वाच्या भूमिकेत दिसून येणार आहेत. उटी येथील एका लोकप्रिय बोर्डिंग स्कूलमधील कहाणी यात दर्शविण्यात आली आहे. याची कहाणी दोन भागांमध्ये विभागलेली आहे. या सीरिजमध्ये आदिराज ही भूमिका साकारताना मोठी मजा आली. प्रेक्षकांना पहिल्यांदाच भुतांवर आधारित अशाप्रकारची कहाणी पहायला मिळणार असल्याचा दावा इश्वाकने केला आहे. एक कलाकार म्हणून मला अनेक कहाण्या सादर करण्याची संधी मिळते. या सीरिजमधील कहाणी प्रत्येकामधील राक्षसावर आधारित आहे. ही सीरिज प्रेक्षकांना आवडणार असल्याचे वक्तव्य रसिका दुग्गलने केले आहे. अधूरा ही सीरिज 7 जुलैपासून अमेझॉन प्राइमवर पाहता येईल. या सीरिजसंबंधी चाहत्यांमध्ये उत्सुकता आहे. ‘मिर्झापूर’ सीरिजमधील अभिनयामुळे रसिकाला मोठी प्रसिद्धी मिळाली आहे.