मेष
दुसऱ्यांबद्दल अति विचार करणे टाळा. तुमच्या हट्टीपणामुळे मने दुखावण्याची शक्मयता आहे. तुमचे म्हणणे योग्य शब्दात मांडा. पुढे काय होईल याच्या चिंतेने तुमचा आज खराब करू नका असा संदेश आहे. अडकलेल्या कामांना गती मिळेल. नवीन ओळखी होतील ज्या पुढे फायदेशीर ठरतील.
सफेद हात रूमाल जवळ ठेवावा
वृषभ
थोडा संघर्षपूर्ण आठवडा असणार आहे. अशा परिस्थितीमध्ये दमछाक होऊ शकते. प्रियजनांबरोबर चर्चा करून मार्ग काढाल. निसर्गाच्या सान्निध्यात वेळ घालवावा असे वाटेल. जितके शक्मय आहे तितके कामांना प्राधान्यक्रम देण्याचा प्रयत्न करा. वैवाहिक जीवन उत्तम असेल. पैशांची आवक सर्व साधारण असेल.
हिरवी काचेची गोटी जवळ ठेवावी
मिथुन
सगळ्यांवर विश्वास ठेवणे धोकादायक ठरू शकते. आपण बरे आणि आपले काम बरे असे धोरण कामाच्या ठिकाणी ठेवल्यास त्रास होणार नाही. कोणत्याही अफवेवर विश्वास ठेवू नये. नात्यांमध्ये विश्वास संपादन कराल. प्रेमसंबंधांमध्ये कोणताही निर्णय घेण्याआधी पुनर्विचार करणे योग्य ठरेल. अनपेक्षितरित्या पैशांची आवक वाढेल.
जांभळ्या रंगाचे वस्त्र दान करावे
कर्क
आनंददायी आठवडा असेल. घरासंबंधी कोणताही निर्णय घेताना घरातील सदस्यांचे मत विचारात घ्यावे. तब्येतीचा पाया सर्वसाधारण राहील. एखादी अशी संधी दृष्टिक्षेपात येईल त्याचा पुढे फायदा होऊ शकतो. धनागम सहजतेने होईल. प्रेमींनी सुसंवादाचे महत्त्व लक्षात घ्यावे. आशादायक घटना घदेल.
उजव्या मनगटात लाल धागा बांधावा
सिंह
तुमच्या धडाडीचे, धाडसाचे आणि अडचणीतून मार्ग काढण्याच्या वृत्तीचे कौतुक होईल. आर्थिक विवंचना कमी होणार आहे. रोजगाराच्या नवीन संधी उपलब्ध होतील. कामाच्या ठिकाणी सोबत काम करणाऱ्यांच्या गैरवर्तणुकीचा त्रास होऊ शकतो. पैसे साठवण्याकडे कल राहील. प्रेमींना उपहार मिळू शकतो.
चंदनाचा धूप लावावा
कन्या
इतरांशी असलेले आपले संबंध सुधारण्याचा प्रयत्न करा. काही व्यावसायिक संधी हातातून निसटण्याची संभावना आहे. स्पर्धकांना तुमच्याविऊद्ध कट-कारस्थान करण्यासाठी वाव देऊ नका. या आठवड्यात एखाद्या प्रिय व्यक्तीशी भेट होऊ शकते. मन थोडे हळवे राहील. पैशांच्या बाबतीत निष्काळजीपणा नुकसानदायक ठरू शकतो.
हळद घातलेले पाणी पिंपळाला घालावे
तूळ
कष्ट करूनही योग्य परतावा आपल्याला का मिळत नाही असे तुम्हाला या आठवड्यात वाटण्याची शक्मयता आहे. नातेवाईकांकडून किंवा मित्रांकडून आपल्याकडे दुर्लक्ष होते आहे अशी भावनासुद्धा होऊ शकते. या सगळ्यांकडे लक्ष देण्यापेक्षा आपल्या कामाकडे जास्त लक्ष द्यावे असा संदेश आहे. आठवड्यातील एखादी घटना तुमचे चित्त विचलित करू शकते.
काळा धागा उजव्या पायात बांधावा
वृश्चिक
आले तर भरपूर काम आले नाही तर रिकामी बसावे लागेल असे वाटू शकते. नात्यांना बळकटी देण्याकरता वेळ द्यावा लागेल. काही कामे उशिरा सुरू झाल्याने मनस्ताप होऊ शकतो. या आठवड्यात उधार देणे वा घेणे टाळावे. लेखी व्यवहारा शिवाय आर्थिक व्यवहार करू नये. प्रेमींना निसर्गरम्य ठिकाणी जावेसे वाटेल.
लाल मिठाई सुरक्षाकर्मींना भेट द्या
धनु
आपल्याकडे जे आहे त्यापेक्षा आपल्याकडे जे नाही, ज्याचा अभाव आहे अशा गोष्टींबद्दल तुम्ही जास्त विचार कराल. येणारा आठवडा तुम्ही तुमच्याकडे असलेल्या गोष्टींसाठी धन्यवाद घेण्याकरता वापरावा असा संदेश आहे. पैशांच्या बाबतीत भाग्यवान असाल. नात्यांमध्ये एक अनामिक हुरहुर राहील. कौटुंबिक सुख उत्तम असेल.
वडाची मुळी जवळ ठेवावी
मकर
प्रत्येक वेळी तुमच्या मनाप्रमाणे घटना घडतील असे नाही हे या आठवड्यात अनुभवायला येईल. कामांना प्राधान्य न दिल्याने नियोजन चुकू शकते. कामाच्या ठिकाणी एखादी चूक महागात पडू शकते. कामांच्या व्यापामुळे हैराण व्हाल. पुढे घडणाऱ्या घटनांबद्दल अगोदरच विचार करून ठेवणे गरजेचे असेल. नात्यांना वेळ देणे गरजेचे आहे.
धार्मिक स्थळे केळी दान करावीत
कुंभ
अति विचार आणि अति काळजी केल्यामुळे तब्येतीवर परिणाम होऊ शकतो. ज्या न घडलेल्या घटनांबद्दल तुम्ही विचार करत आहात आणि काळजी करत आहात त्यांच्याबद्दल भीती बाळगण्याची काहीच गरज नाही असा संदेश आहे. घरातील व्यक्तींकरता खर्च कराल. स्त्रीवर्गाचा विशेष सहयोग प्राप्त होईल. कामे यशस्वी होतील. तब्येतीकडे लक्ष देण्याची गरज आहे.
मुंग्यांना साखर घालावी
मीन
मानसिक अशांतीपासून सुटका मिळेल. आल्हाददायक घटना घडेल. जवळ राहणाऱ्या नातेवाईकांकडे जाण्याचा योग येईल. आर्थिक नियोजन योग्य ठरेल .एखाद्या समारंभात भाग घ्याल. उत्साहवर्धक घटना घडण्याची शक्मयता आहे. नोकरीकरता प्रयत्न करत असाल तर योग्य वेळ आहे. व्यवसायामध्ये वाढ होईल. आपले बेत उघड करू नका.
बेलाच्या झाडाला पाणी घालावे
टॅरो उपाय :
घरातील सगळ्या लोकांमध्ये एकोपा रहावा, भांडण तंटे कमी व्हावेत, प्रत्येकाने एकमेकाला सहाय्य करावे असे वाटत असल्यास एका लोखंडी खलबत्त्यामध्ये खडे मीठ, चार दाणे वेलदोडे, किंचितशी जायफळ कुटून घ्यावे आणि ते मीठ जेवणामध्ये वापरावे. हा प्रयोग शुक्रवारी दुपारी करावा
