रणबीर कपूरच्या बहूचर्चित आणि बहुप्रतिक्षित चित्रपटाचा पहिला लूक समोर आला असून नवीन वर्षाच्या पहिल्या दिवशीच दिग्दर्शक संदीप रेड्डी वंगा यांनी आपल्या सोशल मीडीयावर अॅनिमलचे फर्स्ट लुक पोस्टर पोस्ट केले आहे.
साउथमध्ये ‘अर्जून रेड्डी’ सारखा ब्लॉकबस्टर चित्रपट देणाऱ्या संदिप रेड्डी वंगा यांनी ‘अर्जून रेड्डी’चा हिंदी रिमेक ‘कबीर सिंग’ बनवून बॉलीवूडमध्ये पाय रोवले. कबीर सिंग नंतर संदीप वंगा यांचा हा दुसरा प्रोजेक्ट आहे. टी- सिरीज, सिने१स्टुडिओ आणि भद्रकाली पिक्चर्स यांनी ‘अॅनिमल’ची निर्मिती केली आहे.
नवीन वर्षाच्या सुरवातीलाच ‘अॅनिमल’चे दिग्दर्शक संदीप रेड्डी वंगा यांनी इंस्टाग्राम हँडलवर पोस्टर टाकून रणबीर कपूरचा फर्स्ट ‘किलर’ लूक सार्वजनिक केला. या क्राईम ड्रामामध्ये रणबीर कधीही न पाहिलेल्या अवतारात दिसून येत आहे. यामध्ये रक्तबंबाळ रणबीर हातात कुऱ्हाड धरून सिगरेट पेटवत असून तो भयानक दिसतोय. ‘अॅनिमल’ शिवाय, रणबीर यावर्षी लव रंजनच्या ‘रोम- कॉम’ आणि ‘तू झुठी मैं मक्कार’ या दोन चित्रपटांच्या माध्यमातून प्रेक्षकांच्य़ा भेटीला येणार आहे
‘अॅनिमल’मध्ये रणबीरशिवाय अनिल कपूर, रश्मिका मंदाना, बॉबी देओल आणि तृप्ती डिमरी यांच्या प्रमुख भूमिका आहेत. हिमाचल प्रदेशातील मनालीच्या बर्फाच्छादित पर्वतांमध्ये एप्रिलमध्ये ‘अॅनिमल’चे शूटिंग झाले.
