तरुणभारत ऑनलाइन टीम
बॉलीवुड अभिनेत्री आलिया भट्ट आणि रणबीर कपूर यांच्या लग्नाच्या चर्चेने सोशल मीडियावर धुमाकूळ घातला आहे. त्यातच नीतू कपूर आणि रिद्धिमा कपूर ने लग्न आज १४ एप्रिल) असल्याचं सांगितलं आहे. ते दोघेही आज दुपारी २ वाजता सप्तपदी घेण्याची शक्यता आहे.सर्वाधिक चर्चेत असणाऱ्या आलिया भट्ट आणि रणबीर कपूर यांच्या लग्नाच्या तारखेचा बराच गोंधळ उडाला होता.पण ते दोघेही आज लग्नबंधनात अडकणार आहेत.
ई टाइम्सने दिलेल्या वृत्तानुसार, आलिया आणि रणबीर यांच्या लग्नाच्या विधी १४ एप्रिल रोजी दुपारी २ वाजता सुरु होतील. यानंतर संध्याकाळपर्यंत रणबीर आणि आलिया सप्तपदी घेणार आहेत. या लग्नाची जोरदार तयारी सुरु आहे . त्याचबरोबर मेहंदी आणि हळदी चा कार्यक्रम देखील पार पडला आहे. आलिया आणि रणबीर त्यांच्या लग्नात प्रसिद्ध डिझायनर सब्यसाचीचे पोशाख घालणार आहेत.रणबीरच्या लग्नाची वरात कृष्णराज बंगल्यातून निघणार आहे. त्यानंतर वांद्र्यातील वास्तू या ठिकाणी ते दोघेही सप्तपदी घेतील.
