राजू सेठ यांनी घेतली राहुल गांधींची भेट

बेळगाव : य् ामकनमर्डी मतदारसंघाचे काँग्रेसचे उमेदवार सतीश जारकीहोळी यांच्या प्रचारासाठी राहुल गांधी आले होते. उत्तर मतदारसंघाचे अधिकृत उमेदवार आसिफ ऊर्फ राजू सेठ यांनी राहुल गांधी यांची भेट घेतली. तसेच यमकनमर्डी मतदारसंघात आयोजित केलेल्या प्रचारफेरीत व सभेत सहभाग घेतला. यावेळी काँग्रेसला बहुमोल मत देऊन सर्व उमेदवारांना निवडून देण्याच आवाहन राहुल गांधी यांनी केले. सध्या भाजपच्या भ्रष्टाचारांमुळे जनता हैराण झाली आहे. महागाई, बेरोजगारी आणि वाढत्या कराच्या बोज्यामुळे सर्वसामान्य जनतेचे आर्थिक गणित कोलमडले आहे. सर्वसामान्यांच्या समस्यांचे निवारण करण्यासाठी काँग्रेस हा एकच पर्याय असून सर्वांनी आपले बहुमोल मत काँग्रेसला द्यावे, असे आवाहन केले. यमकनमर्डी मतदारसंघात प्रचारावेळी राहुल गांधी यांनी जनतेला भावनिक आवाहन करत उमेदवारांना प्रोत्साहन दिले.